حيبنوا برج ايفل فى أبو ظبى ياولاد ......

بجد أنا مش عارفه أقول أيه؟!!!!
ايه اللى حصل للمصريين دة احنا كنا اعظم ناس ايام الفراعنه .... الفراعنه اللى شيدوا وبنوا حجات لحد دلوقتى مش عرفين بنوها ازاى بجد كانوا معماريين جمدين اوى
بس المشكله ان الحال اتقلب واللى كنا بنقول عليهم ملهمش فى المبانى والعمارة بقوا احسن مننا بجد الحال اتقلب
يالها من حياه غريبة .... حياه اصبح فيها الغالب مغلوب والقاتل مقتول والمتخلف متقدم
انا كل اما بتفرج على مبانى فى السعوديه ودبى والحتت دى بستغرب هما الناس دى مرة واحدة بقوا كدا
بجد مبانى رائعة... وبعدين احنا ليه منكنش كدا مع اننا احنا اصل كل الحجات دى
عموما انا جايبة النهردة مثال صغير على حاجة غريبه اوى شدتنى وحسستنى ان الناس دى بتسعى عشان تكون حاجة وعشان تبين للعالم اهنا موجودة

شركة منازل العقارية في أبوظبي

مشروع أنشاء برج ايفل
ودى بعض من صور المشروع

http://www.manazel-re.com/f-en/text/index.php

بجد حرام أوى احنا فين من اللى بيحصل دة كل الناس بتحسن من نفسها واحنا زى محنا يا جماعه أحنا لازم نتغير وبجد يا نكون مهندسين شاطرين ودخلين الكليه دى عشان نصلح اللى احنا شايفينه ونعمل حجات جديدة ونحسن من نفسنا يا اللى شايف انه داخل الكليه دى ومش عايز يبقا حاجة فيحول واللى حاسس انه عايز يعمل حاجة بس قدراته مش مساعداه يحاول مرة واتنين وتلاته ويسأل اللى عارف ونساعد بعض واللى عارف يساعد اللى مش عارف بجد لو غيرنا من نفسنا حنبقا دفعة جميله اوى بنحب بعض وبنحترم بعض وبنحترم الكليه وكل اللى فيها واكيد بعد اما نتخرج حنبقا زى الناس دى واحسن منهم كمان يا ريت اللى انا عايزة اقوله يكون وصلكم

كمان فى حاجة صغيرة هى أن فكرة انهم يعملوا برج ايفل دى جامدة اوى بس احنا مش عايزين نقلد حاجة حد عاملها احنا عايزين يوم اما نعمل مبنى ويكون حلو نكون احنا اللى مصممينه مش نقلين فكرة حد بس الصراحة يكفيهم شرف المحاوله ودى حاجة جامدة جدا

thnxx