الجمعة، 1 مايو 2009

CONCRETE

متنسوش يوم الخميس ان شاء الله حنسلم ال 5 تمارين و تبقوا مذاكرين كويس عشان حنتسأل على شغلنا و مسموح التسليم ليوم الخميس اللى بعده بس الاسئلة حتبقى اصعب
ربنا معاكم

مسابقة تصوير

السلام عليكم

لكل الللي بيحبوا التصوير فيه مسابقة تصوير للمبتدئين اللي يحب يعرف تفصيلها يدخل على الينك ده

http://www.delegy.ec.europa.eu/en/News/Photo_contest-Final.pdf

الخميس، 30 أبريل 2009

اشكر الدفعة بجد


كل الشكر للدفعة والرواد على المجهود الملاحظ الفترة الاخيرة
اتمنى اشفكم لقدام دايما :)
اتحركوا اتكلموا اتعلموا انفضوا التراب وزيحووه لانكم تستاهلم تكونوا
احسن

حلقة الاتصال

السلام عليكم

لو فيه حد محتاج من الرواد اي حاجة او عايز يكتب حاجة على البلوج او الفيس بوك بس مش عارفة يدخل عليهم يبعتلنا اللي هو محتاجه على الميل ده
c2012@live.com

الأربعاء، 29 أبريل 2009

DESIGN

السلام عليكم
الأرض بتاعت مشروع الديزاين كبرت بقت 40*50
ان شاء الله حتكفى و شيدوا حيلكو اوى عشان دة اخر مشروع
السلام عليكم
بكرة ان شاء الله مش أجازة فى محاضرة تاريخ عمارة و محاضرة كونكريت و السيكشن ملغى

انشاء

السلام عليكم

اولا
بالنسبة للقطاع المايل في ناس اسقطت القطاع زي ما هو من البلان فطبعا التقسيط بتاع العروق في الاسقف او العلفات في الارض مش بايبن مزبوت فالحل دلوقتي اننا ناخد الاجزاء اللي مقطوعة على المايل و نرسملها قطاع لوحدها بس و هي عدله و نبين فيها التقسيط بتاع الارضيات و الاسقف بس ( مش القطاع كله الجزء القطوع على زاوية 45 )

ثانيا
بالنسبة للسقف المايل مش حينفع نسندوه على كمرة ولازم يتسند على مداد و الكلام ده حيبان في المسقط الافقي في الاسقف فقط ش حيبان اي حاجة في السكشن لاننا مش قطعيين فيه و اللي مش حيعرف يمسح و يرسم المداد يكتب على بيان الكمرة انه مداد




ملحوظه : ( هذا الكلام نقلا عن د هدى )

الاجتماع الاول

السلام عليكم

الحمد لله انهرده كان اول يوم الدفعة تتجمع فيه ونعودىنتكلم مع بعض عن مشكلنا و الحمد لله كل واحد قال على مشاكل عنده في اي ماده و طلع عنا مشاكل جماعية ديه اللي ركزنا عاليها و وضعنلها حلول و ان شاء الله الحلول ديه تتنفز و كمان ثبتنا يوم للاجتماع حيكون يوم الالربعاء بعد محاضرة الانشاء و احب اشوف في الاجتماع القادم عدد اكثر من اللي كان موجود المر
ة دي

انشاء

السلام عليكم
يا جماعة كلنا عارفين ان تسليم مشروع الانشاء بقي يوم السبت الساعة 10 ان شاء الله والباشمهندسة نسرين هي الي هتستلم مننا واكدت عليا النهاردة ان التسليم الساعة 10 بالضبط وهي هتاخد المشاريع من الي هيسلم وتمشي لأن عندها دراسات فايريت كلنا نلتزم بالميعاد ده لان ممكن حد يروح مثلا الساعة 11 وميعرفش يسلم فبلاش نضيع تعبنا ده كله علي ساعة ولا نص ساعة التسليم باذن الله الساعة 10

الثلاثاء، 28 أبريل 2009

السلام عليكم جميعا يا جماعة الي عايز يكتب اسمو هنا ضمن الناس الي مشاريعها مرفوضة او يعلق علي كلامي ومش عارف يكتب علي الفيس بوك في جروب الباشمهندسة نسرين الي انجي كانت كتبهولوكوا وهيلاقي دينا فريد او انا او انجي مشتركين فيه يارب يكون الانشاء هو الي شاغلكوا وتبدي تردوا لما نسلموا ان شاء الله

ملائكة الرحمة

السلام عليكم جميعا اولا انا مبسوطة جدا اني بقيت معاكوا علي البلوج بس انا بصراحة بقيت علي البلوج عشان حاجتين اول حاجة عشان ارد علي موضوع امبارح بتاع المشاريع المرفوضة والدعوة الي الكلام واننا نطالب بحقنا تاني حاجة اني اعلق علي الي حصل معايا النهاردة وهو موقف اول مرة يحصلي في حياتي الي حصل انهاردة اني رحت الكلية وتعبت هناك بسبب الكلي طبعا انا فعلا الفترة الي فاتت تعبت اكتر من مرة ورحت عملت اشعة وتحاليل ولسه بادية العلاج من اول امبارح بس العلاج ده عشان يجيب مفعول لازم اخدوا قرص علي بعضه عشان كده اثر التعب كان لسه معايا النهاردة المفروض اني مجيش الكلية لغاية ما الموضوع ده يروح خالص وفعلا دكتور حاتم الطويل قالي لو مش قادرة تيجي الكلية مفيش مشاكل وهنعدلك الي هيفوتك وطبعا مشكرو جدا علي كل حاجة بس انا قلت مادام انا كويسة وبقدر امشي اروح الكلية واخلص التسليمات الي ورانا عشان مضغطش اخر السنة كفاية ان عندي 3 امتحانات مدخلتهومش ومشورع ديزين مؤجل بس كانت كل مشكلتي اني بتعب في الكلية وزمايلي وصحابي بيفضلوا معايا فانا بضايق لاني مبهدلاهم معايا بس الي حصل النهاردة ان حد من زمايلي نزل ينده الدكتورة بتاعت الوحدة العلاجية طبعا الدكتورة دي جاتلي قبل كده وانا قلتلها اني باخد علاج واني ممنوعة من المسكنات وده بامر من دكتور لكن فؤجت بيها النهاردة طلعت الاتيلية وكان فيه ناس كتير من الدفعة وكان موجود معانا دكتور سحر والباشمهندس شريف والباشمهندسة نسرين والباشمهندسة ماهيتاب ولقيت الدكتورة دي داخلة تزعق وتقولي احنا مش بنلعب معاكي عشان نفضل طالعين نازلين وانتي بتتدلعي ومش تعبانة ( دي نفس الدكتورة الي قالتلي خدي مسكن قلتها الدكتور منعني من المسكنات قالتي صح عندو حق المسكنات بتتعب الكلي) وطبعا كملت بكلام وتهزي مكنتش اتخيله وقالت لدكتور سحر دي بتتعب ايام الامتحانت وترجع تقول عايزة اجازة ( مع ان دكتور حاتم قالي انا مش عايز اجازات وان شا الله هعدلك المواد الي مدخلتهاش) وفي الاخر لقتها بتزعق وتقول ده اسلوب ناس مش محترمين وكلام تاني انا اتكسف اكتبه هنا ........................................ اولا انا كنت باصة في الارض من التعب وفي نفس الوقت مش قادرة اقوم اقولها انا مقلتش لحضرتك تتطلعي لاني عاملة احترام للدكاترة والمعيدين الي واقفين حتي زمايلي اتخدو من كلامها بس بعد ما هي طلعت اشتكوا لدكتور سحر وباشمهندس شريف وباشمهندسة نسرين طلعوا كلموا الدكتورة دي وقالولها ان الي هي عملتوا ده مينفعش اصلا طبعا انا مكنتش سامعه الي هما قالوه بس زمايلي قالولي وبجد انا بشكرهم جدا وبشكر دكتور سحر علي انهم ردولي اعتباري لكن الي انا مستغرباه وعماله اساله لنفسي لغاية دلوقتي ومش عارفة اشتغل انشاء لغاية دلوقتي
هل هما دول الممرضات والدكاترة الي بيسموهم ملايكة الرحمة؟
هل دول امهات؟
هل هما مش عارفين يفرقوا بين واحده تعبانة وواحدة بتتدلع؟ مش دي شغلتهم؟
هل هما كده لما دخلوا غلطوا فيا هل هما احترموا الدكاترة والمعيدين او احترموني اصلا؟
تقريبا كده يا جماعة انهم اخترعوا طريقة جديدة للعلاج
المريض مع التعب يتهزي هيبقي كويس
والي اكتر من كده انها حطتني في صورة وحشة جدا اني واحدة بتدلع وبغلب زمايلي وصحابي معايا كده رخامة
بجد كلامها واجعني جدا بس الي مخفف عليا ان الدكاترة والمعيدين مصدقوهاش واني مش كده فعلا
بس الي انا عايزة اقولوا لكل الدفعة
يا جماعة انا مش وحشة زي ما هي قالت ولو فعلا بتدلع كنت قعدت في بيتنا مكنتش جيت واتبهدلت انا الي يهمني في كل ده اولا الدكاترة والباشمهندسين وثانيا الدفعة كلها وانا متاكده انكوا عارفين ان الي اتقال ميرضيش حد فيكوا لان الموقف ده لا قدر الله ممكن يحصل مع اي حد منكوا انا بس مينفعش اسكت عن الي حصل انا علقت وعايزاكوا كمان تقولوا رايكوا وتعلقوا وتاني وتالت شكرا جدا لدكتور سحر وشكرا جدا للباشمهندس شريف والباشمهندسة نسرين والباشمهندسة ماهيتاب .

هام جدااااااااااااا

السلام عليكم
الحمد لله محاضرة تاريخ حضارة اتلغت و حنبقى نخدها في ميعاد تاني ان شاء الله و كمان تسليم المشروع بقى بكرة الساعة 30 6 بس اللي مش حيحضر محاضرة الانشاء مشروعة حيكون مرفوض يا ريت تبلغوا بعض و بالتوفيق ان شاء الله






ملحوظة :

(التسليم حيكون في مجموعات كل رائد مجموعة يجمع لوح جروبه و ياريت نلتزم بالتسليم الساعة 630 )

الاثنين، 27 أبريل 2009

طراطير



وده اللى جايبنا ورا

الأحد، 26 أبريل 2009

ديزين

السلام عليكم
جروب بشمهندسة مهيتاب حيتقبلوا بكرة الساعة 9 الصبح علشان الديزين ياريت تبلغوا بعض

ديزين

السلام عليكم
جروب 3 يكون موجود في الكلية الساعة 3 علشان نصلح ديزين و نأخذ على سكيز درجات يا ريت تبلغوا بعض

da3wa le 23terad game3i

  • Text Color
    Wakfa samedaaaaaaa
    Ya dof3aaa begad kefeyaa e3teredo moshkeletna enena mesh benetkaklem we mesh adrin nedafe3 3an ba3d .
    El nas mesh radya tesma3na le mogarad en ehna men el dof3a dihh .
    Kan nafr fina marfood mashroo3oo we 3aref en howa kan beyigii saktinn leih yaala nelem ba3dena we netkalem we ne3tered we yemken lama neb2a ma3 ba3d ne3raf na5od ha2ena we hata law ma5adnesh bas neb2a ma3 ba3ddd we hata eli mesh marfood mashroo3oo marfood yalla nedafe3 3an ba3d .
    Ana bas 3ayza 2a2ouloukou mawak et2aletli enahardaaa
    1-bash ahmed hessin bey2oulenael dof3a eli fatet law had 2arab men wahed menhom kanet el dof3a beto2af ganb ba3dahaaa tab we ehna??????????
    Eza kan ehna ya game3a mesh 3arfin no2af ganb ba3d lihom ha2 el nas mesh ye2foo ma3enaaa .
    Dr hatem enaharda da5alnelo ana we 3a2esha we salma we sara we begad ya game3a no comment bas ana haste eni walla haga we mesh la2ya had 2arohlo ana da5la ashtekii 3ashen a5od ha2ii bas 2ali en ehna aslant nas mostahtewrin we mesh hamena 3'eyeb we mesh hamena ay haga we hata law benigi mesh benkoun mohtamin be3'eyeb ز
    Begad ana fe3lan ana baheb dr hatem gedan we dr ebtissam aktar dr fi el koleya bas ma3rafsh el wad3 dah leihh yemken 3ashen sana 3 wa2taha kano me2ademin late mashare3hom ma3rafsh ba2a. bas ehna keda 5alas eshtaket we 2ademt shakwa we rohna le ra2is el kesm.
    Mesh fadel haga 3'ir en ehna neb2a ma3 ba3dina
    Mola5asan ana el saraha nefsi el dof3a te3mel e3terad keda fakrin el sana el fatet diof3et 1 3amalet eih fi enshe2 lemogarad en el dr 3'ayaret fi ma3ed emtahanet
    Plzzzzzzzzzzzz ya dof3a etkalemoooooooo we 3alakooooooooooooooooooooo ketir keda hata law ento mo3taredin 3alya bas 2oulou bas etkalemoooooooooooooooooooooooooo
السلام عليكم
يا ريت يا جماعة لو سمحتم اللى عنده صور لأى حاجة فى الانشاء تبع الأرضيات أو الأسقف يحطها على البلوج عشان فيه حاجات مش عارفينها

Design

ya bashmohndseen fe el design nb2a gayeen ma3ana el sho3'l mosh 7ansht3'al henak