السلام عليكم جميعا اولا انا مبسوطة جدا اني بقيت معاكوا علي البلوج بس انا بصراحة بقيت علي البلوج عشان حاجتين اول حاجة عشان ارد علي موضوع امبارح بتاع المشاريع المرفوضة والدعوة الي الكلام واننا نطالب بحقنا تاني حاجة اني اعلق علي الي حصل معايا النهاردة وهو موقف اول مرة يحصلي في حياتي الي حصل انهاردة اني رحت الكلية وتعبت هناك بسبب الكلي طبعا انا فعلا الفترة الي فاتت تعبت اكتر من مرة ورحت عملت اشعة وتحاليل ولسه بادية العلاج من اول امبارح بس العلاج ده عشان يجيب مفعول لازم اخدوا قرص علي بعضه عشان كده اثر التعب كان لسه معايا النهاردة المفروض اني مجيش الكلية لغاية ما الموضوع ده يروح خالص وفعلا دكتور حاتم الطويل قالي لو مش قادرة تيجي الكلية مفيش مشاكل وهنعدلك الي هيفوتك وطبعا مشكرو جدا علي كل حاجة بس انا قلت مادام انا كويسة وبقدر امشي اروح الكلية واخلص التسليمات الي ورانا عشان مضغطش اخر السنة كفاية ان عندي 3 امتحانات مدخلتهومش ومشورع ديزين مؤجل بس كانت كل مشكلتي اني بتعب في الكلية وزمايلي وصحابي بيفضلوا معايا فانا بضايق لاني مبهدلاهم معايا بس الي حصل النهاردة ان حد من زمايلي نزل ينده الدكتورة بتاعت الوحدة العلاجية طبعا الدكتورة دي جاتلي قبل كده وانا قلتلها اني باخد علاج واني ممنوعة من المسكنات وده بامر من دكتور لكن فؤجت بيها النهاردة طلعت الاتيلية وكان فيه ناس كتير من الدفعة وكان موجود معانا دكتور سحر والباشمهندس شريف والباشمهندسة نسرين والباشمهندسة ماهيتاب ولقيت الدكتورة دي داخلة تزعق وتقولي احنا مش بنلعب معاكي عشان نفضل طالعين نازلين وانتي بتتدلعي ومش تعبانة ( دي نفس الدكتورة الي قالتلي خدي مسكن قلتها الدكتور منعني من المسكنات قالتي صح عندو حق المسكنات بتتعب الكلي) وطبعا كملت بكلام وتهزي مكنتش اتخيله وقالت لدكتور سحر دي بتتعب ايام الامتحانت وترجع تقول عايزة اجازة ( مع ان دكتور حاتم قالي انا مش عايز اجازات وان شا الله هعدلك المواد الي مدخلتهاش) وفي الاخر لقتها بتزعق وتقول ده اسلوب ناس مش محترمين وكلام تاني انا اتكسف اكتبه هنا ........................................ اولا انا كنت باصة في الارض من التعب وفي نفس الوقت مش قادرة اقوم اقولها انا مقلتش لحضرتك تتطلعي لاني عاملة احترام للدكاترة والمعيدين الي واقفين حتي زمايلي اتخدو من كلامها بس بعد ما هي طلعت اشتكوا لدكتور سحر وباشمهندس شريف وباشمهندسة نسرين طلعوا كلموا الدكتورة دي وقالولها ان الي هي عملتوا ده مينفعش اصلا طبعا انا مكنتش سامعه الي هما قالوه بس زمايلي قالولي وبجد انا بشكرهم جدا وبشكر دكتور سحر علي انهم ردولي اعتباري لكن الي انا مستغرباه وعماله اساله لنفسي لغاية دلوقتي ومش عارفة اشتغل انشاء لغاية دلوقتي
هل هما دول الممرضات والدكاترة الي بيسموهم ملايكة الرحمة؟
هل دول امهات؟
هل هما مش عارفين يفرقوا بين واحده تعبانة وواحدة بتتدلع؟ مش دي شغلتهم؟
هل هما كده لما دخلوا غلطوا فيا هل هما احترموا الدكاترة والمعيدين او احترموني اصلا؟
تقريبا كده يا جماعة انهم اخترعوا طريقة جديدة للعلاج
المريض مع التعب يتهزي هيبقي كويس
والي اكتر من كده انها حطتني في صورة وحشة جدا اني واحدة بتدلع وبغلب زمايلي وصحابي معايا كده رخامة
بجد كلامها واجعني جدا بس الي مخفف عليا ان الدكاترة والمعيدين مصدقوهاش واني مش كده فعلا
بس الي انا عايزة اقولوا لكل الدفعة
يا جماعة انا مش وحشة زي ما هي قالت ولو فعلا بتدلع كنت قعدت في بيتنا مكنتش جيت واتبهدلت انا الي يهمني في كل ده اولا الدكاترة والباشمهندسين وثانيا الدفعة كلها وانا متاكده انكوا عارفين ان الي اتقال ميرضيش حد فيكوا لان الموقف ده لا قدر الله ممكن يحصل مع اي حد منكوا انا بس مينفعش اسكت عن الي حصل انا علقت وعايزاكوا كمان تقولوا رايكوا وتعلقوا وتاني وتالت شكرا جدا لدكتور سحر وشكرا جدا للباشمهندس شريف والباشمهندسة نسرين والباشمهندسة ماهيتاب .
هناك 10 تعليقات:
السلام عليكم
اولا اهلا بيكي في البلوج نورتيه تاني حاجة شافكي الله و عفاكي و جعله الله في ميزان حسانتك باذن الله و احنا فعلا كلنا استغربنا ان ده يحصل و المفروض ان الدكتور و الممرضات يبقى عندهم صبر لان المريض ساعة تعبة ممكن يكون عصبي او متنرفز من اللي تعبه و الدكتور او الممرضة هما اللي بيهدوا مش العكس يعني و متقلاقيش يا ريناد محدش اخد فكرة وحشة عنك لان ببساطة زي ما انتي قولتي مفيش حد بيطلع و يجي الكلية و كمان على ما اعتقد مفيش حد ابدا يحب الناس تشوفوه و هو تعبان ربنا يشفيكي يا رب و يشفي كل المسلمين و المسلمات و لو احتجتي حاجة انا موجودة و كلنا معاكي
شفاكى الله و عفاكى يا ريناد
ان شاء الله تقومى بالسلامة و تقدرى تسلمى كل مشاريعك
احنا كلنا تحت أمرك و فى خدمتك لو محتاجة اية مساعدة
اولا الف سلااااااااااام عليكى ياريناد ثانيا متزعليش بدام دكتور سحر والمعدين وقفو جانبك خلص وربنا يشفيكى يارب
ولا يهمك يا ريناد
احنا كلنا محدش أهتم بكلام الدكتورة
وربنا يشفيكى يارب
ehses wehesh awi ya renad en eli enti tekouni lag2elo 3ashen yehel moshklella yetala3ek enti wehsha we betedala3iii ana hassa fe3lan belehses dahhhhh rabena yeshfiki ya renad we yehdi malayket el rahma. bas mesh teday2i mesh kol malayket el rahma wehshinnnnn yemken sadefti had keda bas bas fi nas kowayessa mat5afish mahadesh mesada2 enek betedala3i mahadesh haye3mel 3ando marad 3ashen yedala3 mesh mantek had yesada2o fokekkkk ya gamillllllll
الف الف الف الف الف مليون سلامة ليكى ياريناد
انا محضرتش الموقف دة بس فعلا استغربت جدا من اللى الدكتورة قالتهولك اصل انا لوجبت اختى الصغيرةو شافتك كدا كانت هاتقول انك فعلا تعبانة وانك مش بتهزرى بس معلش حصل خير وسلامتك
اة ياريناد عاوزة اقولك حاجة ماتخليش اى كلمة من اى حد تاثر فيك وماتخلكيش تشتغلى الناس دلوقتى الهموم زادت عليها كل واحد دلوقتى بقى ماشى مش طايق نفسة وبقى يتخانق مع نفسة فاطلما احنا عارفين ان احنا صح خلاص مش هايهمنا حاجة
ولا يهمك ريناد ربنا يعفى عنك ماتقلقيش من حاجه طالما احنا جنبك
ان شاء الله تكملى علاجك وتبقى اقوى وما تحتاجيش لحد
وياما هتشوفى من الكليه : )
خلى عندك قوة تحمل وصبر
عايزاكى تشدى حيلك وتعملى مشروع عيادات فيه ملايكة رحمه بجد :):)
ضريبة التحويل
SALamtek ya renad .. ya rb t7`fi bsor3a ya rb w tb2i gamila keda :):)
wlw 3yza 7aga bgd kolna mwgodeen m3aaki :)
ama blnsba l7dret el dr fde mesh awl mra tt3mel m3ana b2sloob mesh kwis w el moshkla 2nha mesh lw7dha t2reeban kol dktret el 3yada 2lli fl kolia ( rbna ysm7ni lw fe 7d fehom kwis) byt3mlo m3ana btre2a wala 2knna bnsh7at mnhom w z3re2 w thzee2 w 2slan da sho3`lhom :s:S
w mt2l2eesh ya renad >> dayen todaan<< w 7yt3mal feha keda aw f3yalhaa .... w m7dsh y2dar y7`o 3nk fkra w7sh .. ana 2slan mkontsh mwgooda el yom da bs kan nfsi 2b2a mwgooda 3lshan 23rf 2rodelek 72k bs mthy2li b2i el nas ( ktar 7`erhom ) 3mlo el wageb w ziada :D
إرسال تعليق