الخميس، 29 نوفمبر 2007

S0mE ThiNG HaPPeNeD BuT WhAT ELsE ??????

السلام عليكم
انا كنت عايز اكلم شوية عن اللى بيحصل فى الكلية الايام دى لانى حاسس انى بحلم ومش هو دة الى انا كنت بحلم بية فى يوم من الايام
الواحد خلص الثانوية العامة وقال الحمد لله داخل على مرحلة جديدة وحياة جديدة بتعتمد على الفكر والاعتماد على النفس لكن دخلت الكلية لقيت حاجات مكنتش متوقعهاااااااا خالص فى يوم من الايام انا نفسى اعرف اعمل اية اكتر من كدة ونحاول نصلح الى بيحصل دة ازاااااااااااى
انا نزلت اعتزار باسم الدفعة على اساس ان احنا اجتمعنا كلنا وقرارنا كدة بس الحال ازداد سوء
اولا احنا عايزين نحدد المشكلة عشان نعرف نحلها والمشكلة انا شايف المعدين بيقولوا ان دفعتنا وحشة طب عايزين نعرف وحشة لية
انا شايف انها وحشة عشان بتتكلم كتييييييييييييير
طب اية هو العامل الى بيخليها تتكلم ؟
دلوقتى فى ناس كتير فى الدفعة مظلومة وفى ناس سبب المشكلة انا عايز اقول ان الناس الى سبب المشكلة الى بتكلم كتير دى مش وحشة هى بس لسة طلعة من الثانوية العامة عندها كبت من المناهج التقليدية فهى لسة متاقلمتش مع جو الكلية الجديد بالنسبة لهم حاجة جديدة مكانوش متوقعنها
ثانيا انا شايف الحل فى اننا نستنى شوية لغاية الناس دى تتاقلم مع جو الكلية لانها مش ممكن تفضل تكلم سنة
ثالثا انا نفسى اعرف هل العقاب الى احنا بنشوفة دة ممكن يغير الناس دى ؟؟؟؟؟؟
انا الصراحة مش عارف بس انا نفسى اعرف لو الكلام دة حدث لى دفعة زينا فى دولة اخرى اوربية هل حيعملوا كدة مع الدفعة دى ؟؟؟؟؟؟
انا نفسى اعرف الاسلوب الى هما حيتبعوا مع هذة الدفعة
طب والناس المظلومة مستقبلها يضيع عشان الاخرين ولى يتحكم علي بحكم الدفعة
يعنى انا رايح اتقدم لى شغل فى مكان يتم رفضى عشان انا دفعة 2012
فى اى دولة متقدمة غزة العالم الناس بتحكم على المهندس وشغلة واخلاقة مش على دفعتة
يعنى انا مينفعش احكم على مهندس انة وحش عشان بباة بيسرق و التعبير دة عشان المثال فقط
فيريت الناس المشاغبة تتحفظ والباقى يجزى بعملة يعنى العرب قالوا عليهم ارهابيين لية ؟؟؟؟؟؟؟
عشان واحد فجر نفسة طب لية مانفرض الى فجر نفسة دة مجنون وعايز ينتحر ومش معنى كدة ان كل العرب وحشين
مش عايزين نبقى زى الى بيحصل فى مصر عيزين نغيرة
فياريت كل واحد يجزى بعملة ومش كل الدفعة تتعاقب ومعنى يجزى انه ينقص فى الدرجات
يلاقى كل زملائة فى الميت ترم وخدين جيد جدا وهو راسب او واخد مقبول مع ان شغلة حلو جدا اكيد حيحس ان فى حاجة غلط
وانا اعتقد ان فى الدول المتقدمة بيعملو كدة
انا افتكرت مثال هل لما كنا فى المدرسة واحنا صغيرين فى الابتدائى كانو بيقولوا لو اتكلمت فى الحصة حتطلع برة وتضرب 5 عصيان هل احنا بطلنا لما وصلنا الى ثانوى ؟؟؟ طبعا لا لا لان الطريقة دى غلط ووزير التربية والتعليم منعها ومش منعها من فراغ دة منعها الان الخبراء فى علم النفس قالوا لة كدة وقال اقلد الدول المتقدمة فى حاجة واخد منهم الجانب الحلو وانا عمرى مشفت دولة فى العالم بتعمل كدة فى شبابها وجيلها يعنى بتعمل كدة فى بلدها لان احنا مصر2012 الى سنوات اخرى
اعتقد ان لما يبقا العقاب فردى يعنى نطلع برة ونروح للناظر ونضرب عندة وناخد فصل اسبوع ونروح لماما بنعيط دة اقوى من اننا نخد 5 عصيان وبعد ساعة ايدينا تصحى ونرجع نتكلم ودة مثاااااااال
هل لما العقاب يكون اننا نتحرم من زيارة موقع جماعى اومكان حيفدنا فى الدراسة دة عقاب لينا بالتاكيد لا لان دة عقاب للبلد لان المهندسين الى فيها متعلموش كويس يعنى دلوقتى مصر كلها اتظلمت طب دة اية ؟؟؟؟؟؟؟؟
وممكن يبنوا عمارة وتقع ويروح ضحيتها ناس مالهمش ذمب طب يوم القيامة نقول اية للناس الى ماتوا هل نقولهم المهندس الى بنى العمارة كان فى دفعة وحشة دفعة 2012 الى كانوا بيكلموا كتير فمتعلموش حاجة طب ازاى ؟؟؟؟؟؟
فايرت العقاب يكون فردى فى الدرجات
يعنى الى بيتكلم حيخسر يعنى النهار دة اتاخد اسمة يكتب غياب المرة الجاية ينقص درجة او درجتين لو معندوش دم وتمسك بيكلم تانى ينقص 10 درجات ولو استمر فى الكلام يعيد السنة ولو استمر اكتر يتفصل وهكذاااااااا بكدة حيسكت من نفسة ودة حسن من انة يسكت بالعصاية
دة كان راى والاختلاف فى الراى لا يفسد للود قضية فيريت محدش يزعل ويقرا كلامى بتمعن
وشكرااااااااااااااا على كل شى
CrAzY $iNgER

الأربعاء، 28 نوفمبر 2007

ولو نص ساعه

السلام عليكم

انا جاي انهاردا عشان اتكلم بجد من غير سخريه ولا اسلوب فائق للتعبير عن اللي جوايا انا بالذات

اللي حصل امبارح في فتره الديزاين ده كان بمثابة قتل وانا شخصيا جالي هبوط في الدوره الدمويه محستش بنفسي رحت واقع عالارض لما جينا نروح تخيلو ان ولد يحصلو كده امال البنات كان حيحصلها ايه
بأعتبار ان كميه الاكسجين اللي في جسمهم اقل
لان انا فعلا شفت الموت بعنيا
امبارح كلنا اتهدينا جسمانيا وعقليا وعصبيا وكل حاجه لان كلمه امتحان ماتتخيلوش بتعمل في الواحد ايه ان الواحد يتقاله انتا عندك امتحانين ورا بعض ده مش حاجه طبيعيه لان احنا لو معندناش محاضره ديزاين يا اما بناخد السيكشن الساعه 12 يا اما اتنين وفي الباقي بريك

وياسلام على ده بريك يا بشمهندسين انا لا باكل ولا بشرب مجرد سماعي لكلمه اطلعو حالا للاتيليهات او قدامكو بريك ربع ساعه الوقت ده مش كفايه صدقوني والله مابيكفي انا بستهون بالربع ساعه البريك دي واقول انا لو نزلت ووصلت لحد الكافيتريا حتعدي الربع ساعه منغير ماجيب حاجه
ده اولا
ثانيا مجرد مقارنتنا بدفعه اولى دي دايما حتقللنا في نظركم لان حسب مابتقولو انهم نسمه وحاجه روحي روحي روحي على رأي عمرو اديب
زي مافي انسان بيختلف عن انسان لازم يبقا في دفعه بتختلف عن دفعه وزي مابيقولو صوابع مش زي بعضها
واساسا انا بقول كده ليه انا المفروض ماقولش كده تفتكرو لو واحد نفسيته ضعيفه اتقاله انتا وحش انتا زباله انتا لايمكن حتبقا كويس تفتكرو حيحسن من نفسه!
مستحيل ده كده حيجيله احباط وحيكره حياته ومش بعيد ينتحر دي حاجه في علم النفس اللي انا مدرستوش اساسا
ورونا الجانب الحلو قبل ماتورونا الجانب الوحش
ثالثا تفتكرو يا بشمهندسين لو واحد فلاح جايب حمار جديد وعايزه يروح للشارع الفلاني تفتكرو حيتحرك ؟ لا طبعا لان لازم الفلاح يوريله السكه الاول (معلش يادفعه منك ليه انا بقول الكلام ده مثال تشبيهي لا اكتر يعني) بس المفروض نشوف حد منكم يا بشمهندسين بيرسم قدامنا خطوه خطوه صدقوني بنستفيد ماتتخيلوش كميه الاستفاده الانسان علاقته بالكبايه ايه غير انه بيشرب فيها
بس هو مش عارف هي اتعملت ازاي يبقا فين الاستفاده
وده مش تقليد يابشمهندسه رنا انتو نفسكو بتقولولنا انزلو مواقع ماهي هي القصه احنا لما حننزل مواقع طبعا حنكتسب خبره زي مابنشوف حد بيرسم قدامنا خطوه بخطوه العامل اللي بيشتغل وبيرص طوب ده مش عامل بالفطره اكيد حد علمه وقاله انزل تحت خد مونه واطلع رص طوب بالطريقه دي
هو مش بيخترع طريقه هو اساسا بيبقا جاي من بلدهم مش عارف ايه العلاقه بين الفجل والبطيخ
رابعا طريقه شرح للشيتات بتبقا اسرع من الصوت لدرجه ان انا مش بحس ان اللي بيشرح بياخد نفسه بين الكلام
خامسا دكتور الوصفيه اساسا اول ما جه محدش حبه اول ماجه بيبينلنا انه صاحب فضل علينا انا جاي يا جماعه انقظ موقف وانا كان ممكن ماجيش ده غير انه مستهون بعقليتنا لما حد بيسأله بيقوله ياجماعه انتو بتقولو على كلام مفهوم انتو مش فاهمين ده غير الشرح السريع وكل شويه يقول الكليه دي قليله الامكانيات
حضرته من كليه الهندسه ذات الامكانيات الخارقه وضيف عندنا ولما واحد بيجي ضيف عند حد مش بيقوله انتو ميتكو مش نضيفه انتو سرايركو كأنها اسفلت ده غير ان شريحه كبيره اوي من الدفعه بتبقا قاعده مش فاهمه حاجه
في ناس بتفهم منه بس في ناس كتير لا
يعني انا باخد كورس؟ ايوا باخد كورس بفهم في الكورس مبفهمش حاجه خالص من المحاضره
طب الناس اللي مش بتاخد كورس تنتحر دي يعني ولا ايه
وانا معاكو ان اللي بيحصل في محضرته ده مسخره ومسخره بالاوي بس مهما كان مش حنبقا زي دفعه تانيه عماره
بس كده بشمهندس محمود حضرتك قلت ان الانسان لو مش عاجبه حاجه لازم يقول وعشان كده انا كتبت البوست ده ومش عيب ان حد يقبل النقد وانا اسف لو كان كلامي ظهر بأسلوب همجي بس حضرتكو مش شايفين انا بكتب الموضوع ده ازاي هدوء خارجي واعتراض داخلي

شكرا
Ms3a_miso

الأحد، 25 نوفمبر 2007

السلام عليكم
اه رايكم فى الى بيحصل
من ومع والى وعلى الدفعة؟
وما الحل من وجهة نظركم؟
وما سبب المشكلة؟