الخميس، 30 أكتوبر 2008

السلام عليكم
ان شاء الله حيكون فيه quiz ظل و منظور يوم السبت :) :) :) ياريت اللي عرف يبلغ اكبر عدد ممكن علشان في ناس كتيرة مش بتدخل على البلوج و ربنا يعدي يوم السبت على خير

الاثنين، 27 أكتوبر 2008

55 تحت الصفر


يااااااااااااااه اخير start
يعود البلوج ليفتح ابوبه مره اخره لاستيعاب ما بداخلي من مشاعر جياشه ومش عارف ايه في البتنجان
الشكل الجديد للبلوج ده شكله حلو

بكتب الموضوع ده دلوقتي وانا حاسس بأني بدأت اكون شخصيه فاشله
كابوس عبيط في اول السنه كان متحكم فيها
وحلم حلمته يوم التحكيم هون عليها الموضوع
وكلام الشيخ الشعراوي يوميها في الراديو حسسني ان كل انسان مخلوق عشان هدف معين حتى لو هو مالوش يد فيه
مع اعتراضي على جزء منه
ليه الواحد مايكنش متفوق في دراسته وهوايته في نفس الوقت
ليه لازم حاجه تاكل من حق حاجه تانيه
ليه دايما المحصله بتساوي صفر
مع ان الدرجه اللي خدتها في المشروع ده محسساني اني تحت الصفر كمان بكتييييييييييييييييييييييييير
تعليقي على الدرجه اللي خدتها لاني كنت حاسس اني حاخد كده هو
" اللي بيجيب 60 مش بيموت مالجوع "
يمكن الجمله دي برده من الحاجات اللي مقلله زعلي يعني بقول لنفسي مانا عايش اهه
بس انا فعلا مش حاسس ان انا انا بتاع كل سنه من السنين اللي فاتو
حاسس بتفاهه شويه يمكن
بس مين عارف يمكن الشخصيه اللي انا كنت عليها السنه اللي فاتت لو سمعت رقم 50 دي كانت انتحرت ولا حاجه
كانت شخصيه محبكاها اوي مبتقبلش ذره اهانه على نفسها
الدرجه دي اثرت فيا جدا مسحت بكرامتي أرض المشروع
وقالتلي " انتا مهما عملت حتفضل مهندس فاشل"
انتا ناطحه سحاب منغير اساسات
فرخه منغير ريش
سقعانه وحتموت مالبرد في صحراء سيبيريا
عمرها ما حتشوف النار اللي تدفيها حتى لو مشت 700 كيلو
حدايه حتفضل جعانه حتى لو السما بتمطر كتاكيت
حزينه قاعده في الفرح مش عارفه تسمع زغاريت

بقول كلام عبيط مش كده
!!!
بس في النهايه لازم الواحد يقول الحمدلله
مع اني اديت للمشروع ده اهتمام زياده اوي
لاني كنت بعمله لنفسي
تخيلو واحد عايز يسكن نفسه في حته يرتاحلها حيعملها ازاي
بنفس وظيفتي المستقبليه بأذن واحد احد ان عشنا و اذا ربنا اراد
يلا خيرها في غيرها
بس خلاص
Ms3a_miso

الأحد، 26 أكتوبر 2008

project 1

congratulation for all
and "keep moving forward


احضار المشاريع الاربعاء القادم
المجموعة B