الخميس، 8 أكتوبر 2009

Architectural Structures

http://www.slingfile.com/file/oA8cZ4OXoy

1.Architectural Structures
2.STRUCTURE AS ARCHITECTURE

best of luck

الأربعاء، 7 أكتوبر 2009

http://www.youtube.com/watch?v=_dz8H7NsDow&feature=related
http://www.youtube.com/watch?v=N36gjWIxeo4&feature=related
da ya gam3a video bamasbt zayra sary3a w mokrana

بيان رقم 1

جائنا البيان التالي من السلطات العليا :
تقرر بأن مادة التصميم المعماري كل اثنين وخميس تبدأ من الساعة الثامنة والنصف صباحا
انتهى البيان

ya3ni el design bokra el 5ames we kol 5ames men el sa3a 8.30am ma7adesh et2a5ar

concrete





الاثنين، 5 أكتوبر 2009

ده احنا

ياااااه رجعت تاني...... بقالي كتير مافتحتش البلوج وماكتبتش حاجه
وجه الوقت اللي لازم اسنفر فيه دماغي
وقولكم على حاجه على وقع الانفلونزا الجديدة زي الناس مابتحب تسميها (انتو عارفين طبعا ان الناس بتحب تفضل اسم الدلع عن الاسم العادي)

ماعلينا

كنت نازل من بيتي تاني يوم العيد باين او حاجه زي كده فا كنت نازل بكمامة من اول مانزلت وفتحت باب الشارع وامة لا اله الا الله بتبص عليا وبتضحك والقهوجيه اللي تحت بيتي و حتى بتاع المطعم المعفن اللي تحتي (بيعمل ساندوتشات معفنه الراجل ده ماتبقوش تجيبو من عنده)

ماعلينا تانية غير الاولانية

فارحت ماشي ولا سائل فيهم (وقلت ياعم فكك منهم وبيس ودي ناس مفوتة وقديمة ونفساوية ومنفسنة ومش خايفة على نفسها وكده يعني) طلعت عالبحر عشان اركب وصلت ان العيال الصغيره في الشارع يألسو عليا لا وغير كده مافيش مشروع عايز يركبني اصلا مع اني لازم اول واحد يركب دانا لابس كمامة يعني ... يعني ححميك من قبلي حتى يا اخي
هاااااا فين وفين لحد مافي ميكروباص رضا يركبني واصلا هو مارضيش هو ماخدش باله من الكمامة
اول ماركبت بقا
واخد باله من الكمامة لقيته راح خايف وقاللي ...ايه ده انتا لابس البتاعة دي ليه ....قلتله اصلا انتا مش لابسها ليه يعني الوقاية خير من العلاج .. فا سكت وبعديها لقيت طول مانا قاعد في المشروع الناس اللي بره المشروع قاعدين يتريقو عليا وعيل منهم قال .... الواد ده جاله انفلونزا خنازير
انا قلت يانهار اسود بيفسرو في وشي عايزين يموتوني بالحيا ...وكل مادا والسواق بيقلق (السواق ده صعبان عليا والله ) ها بقا جهل

ماعلينا تالتة مستقل بذاتها وذات هوية وكينونة خاصة

فا وصلت المكان اللي عايز اروحه اللي مش حقولكم عليه عشان سر (هي غتاتة ورذالة بقا ) اللي لفت نظري بقا ان شعبي الحبيب ذو نظريه رائعه وسديدة وكل الحاجات الحلوة دي
والنظرية بتقول( البس كمامة ليه مادام انا لسة ماتعدتش ؟؟؟؟.... الله !! امرك عجيب مانا لسة ماتعدتش يبقا البسها ليه ) شعبنا الوحيد اللي في الكون اللي حيلبس الكمامة بعد مايتعدي
عامله زي واحد كان بيقوللي قبل ماجيب الجيتار (هو انتا حتجيب جيتار لية مدام انتا مابتعرفش تعزف ) شوفو بقا قال يعن يالواد عاقل اوي ومدبر للفلوس وعلامة ماشاء الله عليه يعني سؤال دلوقتي هو البيضه اللي جت الاول ولا الفرخة؟؟؟؟؟
على فكره اجابة السؤال ده الفرخة لان البيضه مابتفقسش الا لو كان رقد عليها فرخه بدليل ان البيض اللي في تلاجتكو مش بيفقس

نرجع لمرجوعنا ياعم الحج هو مش انا لازم اجيب الحاجه الاول وبعدين اتعلم عليها ولا انتا ايه؟؟؟؟ هو الواحد حيلعب كورة ازاي وهو ماشافش كورة قبل كده؟؟؟؟

نرجع لمرجوعنا اللي قبليه اللي انا نسيته ؟؟؟!!! هو انا كنت بقول ايه ... ثواني ابص فوق وارجعلكو

اه كنت بقول ان شعبنا هو الشعب الوحيد اللي بيشقلب الحاجه ليه؟؟؟ بمبدأ خالف تعرف واحنا مش بنقلد الاجانب ولازم تكون لينا شخصيتنا
لازم نتعدي الاول عشان نحط الكمامة عشان مانتعديش زياده
!!!
اصلا لو احنا جدعان بحق ربنا بقا نعمل حاجه اللي بره مش حيعملوها
احنا ممكن نستغل ياما من الايد العامله " الصيع " وسمحوني في اللفظ لانهم قاعدين عالقهاوي مش لاقيين شغل
اننا بما ان حياتنا بعد كده قايمة على كمامة المفروض يكون زيها زي الجرافتة يتعملها موضة وباترن معينة كانوع من الجمال وبتوع الازياق يقعدو يأيفوها على المناخير ونستخدمها كاصناعة وطنية لانها فعلا في شكلها كده مش حلوه ومش عملية لانها مفتوحه شويه من فوق والهوا بردو بيدخل
فا اساسا احنا عيب علينا اننا نستهزق بحاجه المفروض اننا مانتريقش عليها لان بعد " التجريس اللي انا اتجرسته ده في الشارع "انا حرمت امشي بكمامة اساسا ده انا امة لا اله الا الله بقت بتضحك عليا
هو اه كان شكلي بيها عامل زي صب زيرو اللي في مورتال كومبات بس المفروض اني آخد بالاسباب يعني لان ربنا ممكن يكون كاتب لاي حد فينا انه مايتصابش عشان لابس الكمامة ومحافظ على نفسه

ده اساسا في الصين ايام السارس كانو عايشين كمامات اصلا وكانت صناعة وطنيه دول كانو بيلبسو القطط كمامات
شكلنا عمرنا ما حنتحضر لان مش المشكلة اننا نلبس الكمامة او لا المشكلة اننا بنضحك عالحاجة لمجرد ان مافيش حد تاني بيعملها وبنتريأ وخلاص على الرغم ان دي بردو حرية شخصية ولازم الواحد مايفرضش رأية حتى لو هو صح
انتا تنبهني بس ماتضايقنيش

Ms3a_miso