السبت، 17 يناير 2009

السلام عليكم
ان شاء الله بشمهندس شريف حيقعد معنا يوم الأثنين 19/1/2009 الساعة 9 في الظل و المنظور فياريت الناس تبقى جاية محضرةالنقاط اللي عايزة تسأل فيها .

ربنا معانا كلنا ان شاء الله :)

الجمعة، 16 يناير 2009

الارسال انقطع

هاي يا جماعه لقيت نفسي متضايق شويه قلت آجي ادردش معاكو شويه
ادردش معاكو شويه في نفسي انا
كا انسان
ونظره الناس ليه
احاسيسه من جوه نفسه
والاحاسيس المفروضه عليه من الكون الخارجي(مش من الفضاء) لا انا قصدي من الناس اللي حوليه
في انواع كتيييير من الناس
ناس بتحاول ومابتوصلش وناس بتحاول وتوصل وناس بتعمل نفسها بتحاول وبتوصل منغير ماتفكر اساسا انها تحاول
وناس بتحاول ومابتوصلش عشان اللي حوليها مش مسعدينها
مممم اللي انا بقوله ده فكرني بحاجه قالهالي بشمهندس شريف
كنت فيوم متدايق من مشروع الفيلا وكان بيعدي بيصلح لكل واحد
فا شافني قالع النضاره ومكتئب (كعادتي طبعا)
فقاللي مالك قلتله حاسس ان مافيش فايده
قاللي ليه هو انتا سعد زغلول انتا عارف ان سعد زغلول قال مافيش فايده
قلتله اه طبعا
راح قايللي انتا عارف ان سعد زغلول كان راجل فاشل
اقتنعت بكلامه ساعتها ان سعد زغلول كان راجل فاشل
لان الانسان الناجح هو اللي يغير مجرى الانهار من الشرق للغرب
يصنع شئ من لا شئ وده رأي ميه في الميه صح
بس اول امبارح قعدت افكر في الموضوع ولقيت ان جايز لو سعد زغلول الناس اللي حوليه كان منهم امل كان اكيد حينجح
ده بيدخلني لسؤال ليه مفهوم عندنا ان الغلط لازم يكون من الفرد مايكنش ابدا مالجماعه
طب مالعرب جماعه بس جماعه غير متجانسه
نفوس متقلبه كأنك كبيت زيت مع ميه
افضل سخن فيهم للصبح وآدي دقني لو اخطلطو
بس بيني وبنكو ممكن يتجانسو بس لو كل وحده منهم اتحللت لمركباتها الاساسيه وكونو العناصر من جديد
بس فعلا العرب جماعه غير متجانسه كام دوله 22
بس بياخدو على دماغهم من دوله واحده ومع ذلك بنقول ان احنا الصح وهما الغلط
طب منين ومنين هو من العدل ان عشر اسود تموت من معزه؟؟؟؟؟
ده دليل ان المعادله فيها حاجه غلط
يبقا الاسود دول من بره اسود بس من جوه قطط اسود مزيفين شوكتهم مكسوره
في حاجه كمان انا مؤمن بيها كا نفس بشريه مفترضه لشئ
ان كل حدث بيحصل في الحياه مبني على حدث قبله سواء له علاقه بيه او لا
يعني على سبيل المثال لو انا قمت من النوم ورحت غاسل وشي ورحت نازل
نتيجه للحدث ده مصر فازت بالماتش يومها
وصلت الحاله بالنسبالي بان انا لو قمت مالنوم ونزلت منغير ماغسل وشي مكانتش مصر حتفوز
اللي هو نظريه ان الحياه مجموعه من مسارات الحركه متشابكه مع بعضها بطريقه معقده بحيث لو حدث خلل لجزء
اتغير المنظومه كلها بحيث تبقا حاجه تانيه
مش عارف بس انا حاسس بحاجه غلط في تفكيري اليومين دول او الشهرين دول بمعنى اصح
زي مايكون في ماتش طايره وبترفع الارسال فوووووووووووووووق
والكوره بتطير لفوووق والهوا يلمسها من كل ناحيه وتوصل لاقصى طموحها وبعدين تبدأ تنزل بالراحه فيخبطها اللاعب بكل قوته
فتخبط في الشبكه اللي في النص فاتتكتب نقطه للخصم
مع ان هو قبل مايرمي كان عايز النقطه تبقا ليه
سبحان الله
يغير ولا يتغير
Ms3a_miso

الخميس، 15 يناير 2009

السلام عليكم

لو في اي حد عنده اقترحات للدفعة انها تكون احسن او اي حاجة عايزيين تعملوها في الدفعة ياريت تكتبوا على البلوج او تبلغوا سهيل او بيتر او انا بس قبل يوم السبت علشان حنتكلم بالنيابة عنكم يوم السبت ان شاء الله يا رييت تكتبلونا اقتراحات كتييييييييير


http://www.4shared.com/file/80820139/47bfc99d/eat_that_frog.html
dah ketab Eat that frog in arabic
السلام عليكم

دلوقتي اللي عايز يجيب درجات اكتر في النظريات يبدأ يحلل مساقط افقية لاي مبنى و يقدمها لدكتور نجوى يوم السبت ان شاء الله و ده اخر ميعاد للتسليم و ربنا يكرمنا كلنا و نعدي الامتحانات بخير و سلامة



Design and Elastic Mind

الثلاثاء، 13 يناير 2009



قائمة المقاطعة الرسمية للبضائع الأمريكية والإنجليزية والإسرائيلية


1-البنوك

بنك أوف أميركا - البنك المصرى الأمريكى - سيتى بنك - أمريكان اكسبريس

2-خطوط طيران وملاحة

الأمريكية - البريطانية - الإسرائيلية - زيـم


3-بروكتر & جمبل


آريـال - تـايد - بامبرز - أولويز - صابون كاماى - هيد آند شولدرز - بيرت بلاس - بانتين

4-المطاعم
ماكدونـالدز - كنتـاكى - ليتل سيزر - بيتزا هت - دومينوز بيتزا - آربيز - فرايديز - برجر كينج -تشيليز


5-المشروبات
كوكاكولا - فانتا - سبرايت - مياة معدنية داسانى بيبسى - ميرندا - سفن أب - مونتن ديو - مياة معدنية اكوافينا


6-الملابس
نايكى - ليفايس - ملابس والت ديزنى للأطفال -اديداز


7-مستحضرات التجميل
آفـون


8 -الحلويات
منتجات شركة آدامس (التابعة لشركة ورنر لمبرت) : تشكلتس - هولز - دانتين - كلورتس بطاطس لايز - شيبسى - هوهوز - شيكولاته كادبورى


9 -هاينز
هايـنز : صلصه - كاتشب - مسترده - شطه

10 -محطات بنزين
إسو - مـوبيل - كـالتكس


11 -شركة نستله
لبن مجفف نيدو - غذ اء للأطفال - آيس كريم (نستلة - ميجا) - نسكافه - مياه معدنيه - سيريلاك

12 -جونسون آند جونسون
منتجات للأطفال : صابون - شامبو - زيت - بودره - كريم


13 -جونسون واكس
مبيد حشرات : ريد ، معطر جو : جليد ، بليدج لتلميع الأثاث


14 -السيارات
شركة جنرال موتورز (شيفورلية ، جى ام سى ...) - شركة فورد (لاند روفر ...)


15 -أجهزة التكييف
كاريير

16 -الأجهزه المنزليه
جنـرال إليكتريك - وستنجهاوس - كلفينيتـور


17 -الأثاث
أمريكان فيرنيتشر (AM - Furniture)


18 -السجائر
مارلبورو - روثمان - ميريت - إل إم - كنت


19 -الأفلام والسينما
والت ديزنى - ورنر بروس - بارامونت

المقاطعة واجب على كل مسلم حتسأل عليها يوم القيامة.
المقاطعة جهاد فى سبيل الله.

السلام عليكم
بشمهندس شريف بيبلغ جروب B انه عيزه بكره في الكلية الساعة 10 am


الاثنين، 12 يناير 2009

Slow Motion


fox we h bedrabo ba3d slow motion
 



7aga keda men ahmed 2adry 3obal ma el computer beta3o e2om bel salam
ya reet kolna ned3elo 

أخيرااااااااااااااااا هنخرج

هاى يا بشمهندسيين :)
إن شاء الله بكرة ( االثلاثاء 13) فى خروجة .... هنتقابل قدام المنتزة الباب الرئيسى الساعة 11 و نص مش 10 وإن شاء الله يبقى يوم جامد :)

الأحد، 11 يناير 2009








































يا جماعة بعد الصور دى لسة مش قادرين نبطل بيبسى و بيرجر كينج و الحاجات الغريبة دى, بالله عليكم حاولوا تقاطعوا و تبصوا للموضوع من ناحية أخرى عشان نبقى أحسن و اّسفة على الصورالبشعة دى بس كان لازم نتعظ.