الجمعة، 16 يناير 2009

الارسال انقطع

هاي يا جماعه لقيت نفسي متضايق شويه قلت آجي ادردش معاكو شويه
ادردش معاكو شويه في نفسي انا
كا انسان
ونظره الناس ليه
احاسيسه من جوه نفسه
والاحاسيس المفروضه عليه من الكون الخارجي(مش من الفضاء) لا انا قصدي من الناس اللي حوليه
في انواع كتيييير من الناس
ناس بتحاول ومابتوصلش وناس بتحاول وتوصل وناس بتعمل نفسها بتحاول وبتوصل منغير ماتفكر اساسا انها تحاول
وناس بتحاول ومابتوصلش عشان اللي حوليها مش مسعدينها
مممم اللي انا بقوله ده فكرني بحاجه قالهالي بشمهندس شريف
كنت فيوم متدايق من مشروع الفيلا وكان بيعدي بيصلح لكل واحد
فا شافني قالع النضاره ومكتئب (كعادتي طبعا)
فقاللي مالك قلتله حاسس ان مافيش فايده
قاللي ليه هو انتا سعد زغلول انتا عارف ان سعد زغلول قال مافيش فايده
قلتله اه طبعا
راح قايللي انتا عارف ان سعد زغلول كان راجل فاشل
اقتنعت بكلامه ساعتها ان سعد زغلول كان راجل فاشل
لان الانسان الناجح هو اللي يغير مجرى الانهار من الشرق للغرب
يصنع شئ من لا شئ وده رأي ميه في الميه صح
بس اول امبارح قعدت افكر في الموضوع ولقيت ان جايز لو سعد زغلول الناس اللي حوليه كان منهم امل كان اكيد حينجح
ده بيدخلني لسؤال ليه مفهوم عندنا ان الغلط لازم يكون من الفرد مايكنش ابدا مالجماعه
طب مالعرب جماعه بس جماعه غير متجانسه
نفوس متقلبه كأنك كبيت زيت مع ميه
افضل سخن فيهم للصبح وآدي دقني لو اخطلطو
بس بيني وبنكو ممكن يتجانسو بس لو كل وحده منهم اتحللت لمركباتها الاساسيه وكونو العناصر من جديد
بس فعلا العرب جماعه غير متجانسه كام دوله 22
بس بياخدو على دماغهم من دوله واحده ومع ذلك بنقول ان احنا الصح وهما الغلط
طب منين ومنين هو من العدل ان عشر اسود تموت من معزه؟؟؟؟؟
ده دليل ان المعادله فيها حاجه غلط
يبقا الاسود دول من بره اسود بس من جوه قطط اسود مزيفين شوكتهم مكسوره
في حاجه كمان انا مؤمن بيها كا نفس بشريه مفترضه لشئ
ان كل حدث بيحصل في الحياه مبني على حدث قبله سواء له علاقه بيه او لا
يعني على سبيل المثال لو انا قمت من النوم ورحت غاسل وشي ورحت نازل
نتيجه للحدث ده مصر فازت بالماتش يومها
وصلت الحاله بالنسبالي بان انا لو قمت مالنوم ونزلت منغير ماغسل وشي مكانتش مصر حتفوز
اللي هو نظريه ان الحياه مجموعه من مسارات الحركه متشابكه مع بعضها بطريقه معقده بحيث لو حدث خلل لجزء
اتغير المنظومه كلها بحيث تبقا حاجه تانيه
مش عارف بس انا حاسس بحاجه غلط في تفكيري اليومين دول او الشهرين دول بمعنى اصح
زي مايكون في ماتش طايره وبترفع الارسال فوووووووووووووووق
والكوره بتطير لفوووق والهوا يلمسها من كل ناحيه وتوصل لاقصى طموحها وبعدين تبدأ تنزل بالراحه فيخبطها اللاعب بكل قوته
فتخبط في الشبكه اللي في النص فاتتكتب نقطه للخصم
مع ان هو قبل مايرمي كان عايز النقطه تبقا ليه
سبحان الله
يغير ولا يتغير
Ms3a_miso

هناك 3 تعليقات:

DinaFarid يقول...

لا اله الا الله وحده لا شريك له قادر على كل شيء.
1-انت فعلا عندك حق في معظم الكلام اللي بتقولي بس انا حاسةفيه بنبرة يأس ليه انا مش عارفة ؟؟ مع ان صاحب الحق المفروض يبقى واثق من نفسه و مييأسشي ابدا لأنه لو يأس و لو ثانية حيبقى زي الأسود اللي ماتت من معزة

2- انا فاكرة انك كنت قاعد معانا يوم الاربعاء لما بشمهندس شريف كان بيكلمنا و اعد يكرر كلمة واحده بطريقة مباشرة او غير مباشرة و قلنا بلاش نقولها "مش حعرف - بخاف - مفيش وقت - مش حقدرر ......." و انت كلامك ملايان بالحاجات ديه فعلى مااعتقد انك كنت قاعد معانا و مش معانا في نفس الوقت لانك كنت تاثرت بكلام البشمهندس

3- بلاش يأس ارجوكم احنا في وقت امتحانات و وقت تركيز

S.A يقول...

سبحان الله يغير ولا يغير جملة جميلة ختمت بيها و على فكرة أنا حاسة بلقولته
لأنه حقيقة بشوفها.
لكن لازم يكون عندنا ثقة بالله
وكمان نأخذ بالاسباب
و نغير اللى جوانا و نترد اليأس
و نخلى كل يوم جديد بداية لحياتنا.

mai 3id يقول...

انت عارف الاعلان بتاع رامز جلال اللى بيقول مش عارف ليه بس هى كده وهى حلوه كده اهو ده بالظبط اللى احنا لازم نحسه واحنا عايشين الطبيعه لازم كل حاجه بتحصل فيها يكون ليها سبب سواء كنت عارفه او لا ودى رحمه من عند ربنا سبحانه لازم ننبسط بالحياه واللى بنعمله فيهاعشان تبقى فعلا (لعب ولهو)سبحان ربى العظيم