يااااااااااااااه اخير start
يعود البلوج ليفتح ابوبه مره اخره لاستيعاب ما بداخلي من مشاعر جياشه ومش عارف ايه في البتنجان
الشكل الجديد للبلوج ده شكله حلو
بكتب الموضوع ده دلوقتي وانا حاسس بأني بدأت اكون شخصيه فاشله
كابوس عبيط في اول السنه كان متحكم فيها
وحلم حلمته يوم التحكيم هون عليها الموضوع
وكلام الشيخ الشعراوي يوميها في الراديو حسسني ان كل انسان مخلوق عشان هدف معين حتى لو هو مالوش يد فيه
مع اعتراضي على جزء منه
ليه الواحد مايكنش متفوق في دراسته وهوايته في نفس الوقت
ليه لازم حاجه تاكل من حق حاجه تانيه
ليه دايما المحصله بتساوي صفر
مع ان الدرجه اللي خدتها في المشروع ده محسساني اني تحت الصفر كمان بكتييييييييييييييييييييييييير
تعليقي على الدرجه اللي خدتها لاني كنت حاسس اني حاخد كده هو
" اللي بيجيب 60 مش بيموت مالجوع "
يمكن الجمله دي برده من الحاجات اللي مقلله زعلي يعني بقول لنفسي مانا عايش اهه
بس انا فعلا مش حاسس ان انا انا بتاع كل سنه من السنين اللي فاتو
حاسس بتفاهه شويه يمكن
بس مين عارف يمكن الشخصيه اللي انا كنت عليها السنه اللي فاتت لو سمعت رقم 50 دي كانت انتحرت ولا حاجه
كانت شخصيه محبكاها اوي مبتقبلش ذره اهانه على نفسها
الدرجه دي اثرت فيا جدا مسحت بكرامتي أرض المشروع
وقالتلي " انتا مهما عملت حتفضل مهندس فاشل"
انتا ناطحه سحاب منغير اساسات
فرخه منغير ريش
سقعانه وحتموت مالبرد في صحراء سيبيريا
عمرها ما حتشوف النار اللي تدفيها حتى لو مشت 700 كيلو
حدايه حتفضل جعانه حتى لو السما بتمطر كتاكيت
حزينه قاعده في الفرح مش عارفه تسمع زغاريت
بقول كلام عبيط مش كده
!!!
بس في النهايه لازم الواحد يقول الحمدلله
مع اني اديت للمشروع ده اهتمام زياده اوي
لاني كنت بعمله لنفسي
تخيلو واحد عايز يسكن نفسه في حته يرتاحلها حيعملها ازاي
بنفس وظيفتي المستقبليه بأذن واحد احد ان عشنا و اذا ربنا اراد
يلا خيرها في غيرها
بس خلاص
Ms3a_miso
هناك 10 تعليقات:
اللي بيجيب 60 مش بيموت مالجوع
بس بيموت مالغيظ
هوه اللى كاتب ده زعلان ولا فرحان
طيب الى بيجيب 60 مش بيموت من الجوع بيموت من الغيظ طيب واللى يجيب 45 وربنا اعلم باد اية هو تعب تعب نفسى وعقلى وجسدى وربنا يشهد بيحصلوا اية غير انه بيموت من الياس؟
تقدر تقول متيس يا بشمهندس تحفه
بس تقدر تقول فرحان عشان اخد قلم جامد اوي وجعله ضروسه كلها
هو اينعم مش حيعرف ياكل لحد مايسنن تاني بس ممكن يستلفله طأم عبال ما ربنا ما يسهله
لا اللي جاب 45 ده يموت مالضحك
طب واللى جاب درجة حلوة ومش حاسس برضة انة فرحان ؟؟؟؟
بل بالعكس حاسس بقمة الزهق والخنقة والأكتئاب ؟؟؟
ده بقى يعمل اية ؟؟ يروح يولع فى نفسة ؟؟؟؟؟؟؟؟؟؟؟؟
والله يا جماعة أنا حسة أننا محتاجين أننا نرفه عن نفسنا شوية أكتر من أننا محتاجين نشتغل
عشان الترفيه دة هو اللى حيخلينا نقدر نكمل
فين ايام اعدادى لما كنا بنخرج مع بعض ومعانا المعيدين ؟؟
حتى لما كنا بنخرج رحلات صغيرة هنا فى اسكندرية .. كانت بتبقى جميلة قوى وبتجدد فينا كل حاجة وكفاية انها بترفع روحنا المعنوية شوية ... ياريت يا جماعة نعمل رحلة ولو بسيطة هنا فى اسكندرية ونخرج ونفضفض وياريت لو المعيدين بتوعنا فى اعدادى ييجوا معانا ونعيد الأيام الجميلة دى تانى .... ياترى فى حد رأيو زى رأيى ؟؟
ولا أنا درجة المشروع أثرت عليا وخلتنى أخرف ؟؟؟
(معلش أصلى مش واخدة ع الدرجات الحلوة )
walahy topic zay el fol yad ya handasa el mohem wel 3ayz 2a2olo ana fel comment el tamam da
awalan lazm t3rf enta w kol el talba en el darga el enta bta5odha dy 7aga mn talata ; ya2ma
enta 2shta3'lt w t3bt f3ln bas bardo m5atsh balk mn 7agat el doctors shyfnha mohma w 3shanha
enta na2st el 40 darga ya2ma enta fe 7aga 3aket mnk fel mashro3 wenta 3arfha w motawk3 el
darga 3shan kda lma tshof el darga mabtetfag2sh kter (zay 7alaty ana gayb 40 by the way w fy
nas gabt 65 w 3ayatet wana masha2 alah gbela)el mohem ya2ma el 7aga el talta el mohem twsal
l talba el bashmohndsen asa7b el 3kool el sa3'yra fe telk el mawakf w lysat kolha w hwa el
zolm ana shyf en mafysh zolm 5alis fel mwdo3 da asl ya gd3an bel 3a2l kda ento benko 7aga
ento wel dacatra? akid l2 omal eh b2a lma basm3 ya 3am shof el zolm .... w b3den enta lw
shayf en el mwdo3 zolm wenta 2sht3'lt w mot2kid eno zolm 5alik 3arf en rabna mabydy3sh
maghod 7ad 2sht3'al 7atla2yha isA mestanyk f a5r el sana wala 7aga, ishala b3d 4 snen
inshala 7ata lma tesht3'l......... yalla ana tawlt awy 3aleko bas nice topic f3ln ya miso
keep goin yalla b2a rag3 lel blog shababo
لا ياهدير انا معاكى فى اللى انتى بتقولية وانت ياميزو كويس ان انت بتحمد ربنا علشان ممكن درجة 60 تكون حافز ليك علشان تتحدى نفسك وتقول انا لازم اجيب فى مشروع الفيلا او اى مشروع لسة السنة طويلة درجة كبيرة وساعتها الدرجة اللى مش عجبالك دى تكون السبب فى نجاحك وكمان تفوقك(الناجحين والعظماء دايما كانوا بيخسروا فى الاول بس الشاطر اللى يكمل)
إرسال تعليق