الأحد، 28 أكتوبر 2007

فكك من الالم السكرو و اللوحه ال كنسن الجزء التانى ا(الحكشبولى الصغير)ا


الحكشبولي الصغير



فى يوم من الايام اللى مطلعتلهاش شمس دخلت و احدة زى القمر مطعم شيك ومحترم وكان معاها شنطة صغيرة فيها علبة صغيرة

دخلت و قعدت .... و اقعدت تنده على المتر
بس بس بس انت يا متر -

الراجل المتر جه و هو راجل محترم ابن ناس كدة زيكوا بس الزمن جار عليه و اشتغل متر بعد ماعيلته فلست و باع عربيته و متجوزش البت شلبية اللى كان بيحبها المهم مش دة موضوعنا

قاللها : أأمري يا هانم
قالتله : عايزة واحد سكلوب و واحد سلطة
قالها : بس كده
قالتله : لا و كمان عايزة 2 جوز حمام و 3 كيلو كباب و فرختين

الراجل عينيه و سعت و قال بس هنعمل شغل النهاردة

و قالها : بس كل ده كتير يا هانم انتى مستنية حد ؟

قالتله : لا الكباب و الحمام و الفراخ للحشكبولى الصغير

الراجل بص للسقف وقال حشكبولي؟

المهم قالها تحت امرك


*****


الراجل مشى وعمال يفكر مين الحشكبولي الصغير ده انا مش شايف معاها حد

جاب الطلبات و مشى و قعد مستنى يشوف مين الحشكبولي الصغير ده

الست قعدت تاكل فى الاسكلوب و السلطة و سابت الباقى لحد ما تخلص

الراجل قال اكيد لسه الحشكبولى موصلش

المهم الست خلصت و طلعت العلبة الصغيرة و قعدت تدخل الاكل جوة العلبة .. والراجل قاعد يتفرج ودماغه هتشت

الست تدخل الاكل و الاكل بيخلص و تدخل الاكل و بردة عمال يخلص وهى تتدخل الاكل و عمال يخلص

المهم الاكل خلص

خدوا بالكوا 3 كيلو كباب و 2 جوز حمام و فرختين

و قالتلوا
بس بس بس انت يا متر -

الراجل راحلها بعد ما عينيه احوّلت وقالها : تحت امرك يا هانم

قالتله : معلش اصل الحشكبولي الصغير لسه ماشبعش ياريت تجبلى كمان 3 كيلوكباب و 2 جوز حمام و فرختين

المتر قالها : انا امرك تحت يا فندم...و مشى وهو بيعرج و جاب الاكل و حصل نفس اللى حصل و الست تتدخل الاكل فى العلبة و الاكل يخلص

راحت ندهتة تانى و راح الراجل قالها : اكيد الحشكبولى لسه مشبعش اصل انا عارفة طفس

قالتله : وانت تعرفوا منين دة محدش شافوا قبل كدة امشى يلاّ هاتلى 2 دستة جاتوة و فرووت سلات و 3 ام على علشان الحشكبولى الصغير عايز يحلّي






*****


الراجل مشى و هو بيدعى على نفسه و يلعن اليوم اللى اتولد فيه وقال عليّا الطلاق من البت شلبية اللى ماتجوزتهاش ما انتى ماشية قبل ماعرف العلبة دي فيها ايه

و جاب الحاجة والست طبعا قعدت تدخل الاكل العلبة لحد ما الاكل خلص و ندهت المتر و قالتله : الحمام فين عايزة اغسل ايدى

الراجل ورّاها الحمام و قال بس فرصة افتح العلبة واشوف فيها ايه

المهم مكدّبش خبر و اول ما الست راحت الحمام راح يفتح العلبة

بيفتــــــــــــح العلبة و بص فيها



..
..
..
..
..
..
..
..


لقى حكشبولــــــــــــــــــــــــى صغيّر

www.shababgamed.com

هناك 7 تعليقات:

esra2 3bdellah يقول...

heya el kesa 7elwa awy bas fe so2aaaaal mohem gedan ... ya3ne eh 7akshaboly??????
nice work and gr8 efforts but plz tell me men el 7akshaboly dh ???
howa fe goz2 talet wala 5alas keda??

Mohammed Salaheldeen يقول...

hahahaha ah yana yama
ana msh 2ader hahahhahahaha

hamoot

gamda awe awe awe hahahaha

7abashy يقول...

l2 hoa el goz2 el tany dy asdy bakml el goz2 el awel el hoa ta7t lw 5aty balk mno w 7etet fe goz2 talt wala l2 dy b2a 7asb el tasaheel :D

HAMADA يقول...

hahahahahehehehe 3ala fekra elnokta de kol lma 2sm3ha bad7ak m3n 2nha mesh nokta asln bas lo wa7ed 2alha batri2a mo3aina teb2a zay el3asal

alloa_fkeka يقول...

ta3rf bgad ana hmoot mn el3*az hmoooooooooooooooot w a3rf el7shkpoly da hhahaha mersy gdan bgad gamda

E$L@M H@$$@N يقول...

nice work and good idea ^_^ ..

hisha17 يقول...

el7akshbon el so3'aiar da gamed awiiiiiiiiiiiii