الأربعاء، 16 يونيو، 2010

مهم

اللى عنده اى شكاوى طول السنة او اى اقتراحات عشان نقولها ف يوم المؤتمر العلمى الاسبوع اللى جاى ان شاء الله .......اى تعليقات على اى حاجة قوللنا عشان نقدر نوصل رأيكم

هناك 13 تعليقًا:

Ms3a_miso يقول...

خليني ساكت احسن
:D

most**abo**elresh يقول...

tyb 27na hna5od mshar3na 2mta ??

Mennat Allah Gamal Sherif يقول...

محدش يفضل ساكت لازم تتكلموا


بعد يوم العمارة ما يخلص حيبقى معانا المشاريع و حنكتبلكم على البلوج امتى تيجوا تاخدوها من الكلية ان شاء الله

Moaaz Mohamed يقول...

نظام التعليم عموما لازم يتغير ... لحد امتى هنفضل نحفظ فى مواد نظرى مش فاهمين فيها حاجة لمجرد اننا نجيب درجات فى الامتحان وبعد كدة ولا كاننا ذاكرناها لحد امتى هيفضل التعليم كدة
مادة زى دراسات الجدوى اللى فى رأيي ملهاش اى لزمة اننا ندرسها محاضرات بس بيناخدها على الفاضى بنضيع فيها وقتنا على الفاضى من غير ما نستفاد اى حاجة عملت ايه انا مثلا بصافى القيمة الحالية ولا علاقة السعر بالكمية ولا الصادرات والورادات ... او بحث مادة تاريخ العمارة المحاضرات اللى اخدناها نكتبها ونرسم كام رسمة حلوة عشان ناخد درجات وفى الاخر استفدت ايه غير ان ايدى وجعتنى من كتر الكتابة
عن نفسى مش حاسس انى استفدت بأى حاجة من مواد النظرى غير التيرم الاول فى نظريات العمارة فيها ايه لما المواد تدرس بالطريقة دى اننا نفهم مش نحفظ ... نستفاد مش اقعد احشى دماغى بكلام اكتبه فى الامتحان وبعد كدة انساه
دى رأيي وشكرا

passant mohamed يقول...

ana mstfdtesh 7aga mn l mawad l nzary 3'er l nazariat wlsteel .....bs 3'er keda l2....w tb3an l design l msharee3 l kanet btt2lab w mkonash bnl72 nfhamha wla nstafeed mnha 7aga.........l working da b2a mwdoo3 tany l hwa l term l tany da aslan maloosh ay faida mn na7iet l working....da l ana fakrah now

E$L@M H@$$@N يقول...

بالنسبة لسنة دى :

الترم الاول : المساحة و الخرسانة دول الواحد استفاد منهم بس طريقة تدرسهم محتجة تطور !! اما النظريات و الدزين احلى مدتين الواحد احس نهم مواد تعلمك ازى تبقى معمارى و ازى تفكر و تكسر دمغك فى sturcture system و فىى ال form
و الحل عمتا .. بقيت الى خدنه .....

الترم الثانى :

ٍsteel زى الخرسانة و المساحة كدة
و landscape كانت مفيدة جدا

ال soil الى حتطها فى منهجنا فى التوقيت دة فى ثانية عاف اننا لما نتخرج مش هنبقى فكرين ولا كلمة و اننا بناخود قشور ال soil يعنى لو يحطوا مواد تانية تبقى مكملة بجد للدزين زى النظريات يبقى افيد لنا .. :(

اما ال Working فانا الى استفتة منه الترم الاول ال site و الترم الثانى ولا
حاجة Just Research al Escalator
دة بالنسبة للبحث الى كنت واخدة بقية الابحاث ولا الهوا لان المحاضرات كانت ...
ممكن بحث ولا اتنين الى يكونوا علموا .

وياريت طريقة التدريس تطور فيه تبقى نظام Datashow و كدة مش سبورة و طباشر و الى بعد الصف الرابع مش شايف حاجة !!

انا طولت عليكم بس انا قولت اقول الى عندى عشان احتمال محضرش المؤاتمر ..

eg. MAHMOUD ABDELWAHED يقول...

كان عندى ليكى سؤال يا مصر بئوا سؤالين ايه غير الاحوال والدور يا ترى على ميين عايشين محاصرنا الخوف وعاصرنا ومسيرنا دا مصيرنا لو عيشنا كدا ساكتين

اتكلموا

DinaFarid يقول...
أزال المؤلف هذا التعليق.
DinaFarid يقول...

السلام عليكم
قبل ما اقول تعليقي انا عارفة ان كلامي مش حيتسمع مش الرواد مش حيوصلوه بس الطرف الاخر مش حيسمع و انا مجربه مرتين بس حاخذ بالأسباب و حتكلم

النظريات : استفدت منها اوي في الاول لما كانت د ابتسام بتهدلنا لكن اللغبطة اللي حصلت ديه مش صح و محدش اضر غيرنالأننا و لا استفدنا بالحديث و لا اخدنا الاسلامي كامل

structure :الاستفادة كانت عالية و طالعنا شغل كويس بس الصراحة مش لقية سبب انه ميتعملناش معرض في معرض القسم و السبب كان وجيه ما شاء الله "ممنوع الطلبة تعمل معرض في معرض القسم " :D:D:D سبب مقنع

الخرسانةو المساحة : مادة نظري بذاكرها علشان أخذ درجات و بس و لا طريقة الشرح بتجذبني و لا حطلع بعد كده اعرف انفذ اللي انتشرحلي

دراسات جدوى : ..............

الانشاء : الترم الاول استفدت بس من الموقع العام و المنهج الصراحة محتاج يطور بمعنى اننا ناخد اساسات الاشياء و بعد كده الحديث منها الترم التاني البحث بتعنا بس + مسح معلومات الانشاء القديمة :D:D

الديزين : كمية المشروعات كبيرة و مش بتأخد وقتها
مكنش فيه مرونة في تقبل الافكار
مينفعش غلطة واحده توقع المشروع بمعنى متخلينيش اجيب 20 او 25
مينفعش اننا نوقع الدفعة في كل المشاريع و نجي نرفعهم في المشروع الاخير و ناخد درجات عالية جدا و غير منتقية و مستوى الشغل مش عالي اوييييي للدرجات ديه

soil :لا استفادة مع ان كان ممكن نستفاد

steel : لذيذة استفادت حابة حلوين

landscape : كنت متوقعة احسن من كده بكتيييييييييير
مكنش فيه تصليح و مش منطقي ان اسلم شفافة و يجلي التصليح عليها مش عارفة بقينا خرس و لا ايه

يلا كفاية كده بقى :]

fares يقول...
أزال المؤلف هذا التعليق.
fares يقول...

دراسات الجدوى: كان د/محسن بياض هو اللى حيدرسها لينا لكن مش عارف اية اللى حصل فجلنا د/السريتى بيتعامل معانا باسلوب المجمع النظرى يمكن لو كان د/محسن بياض درسهالنا كانت بقت افضل من كدة.

steel : كانت مادة لذيذة واستفدت منها.

الانشاء: الترم الاول كان احسن شوية من الترم الثانى من حيث المحاضرات والانتظام فيها اما الترم الثانى كان مقتصر على الابحاث فقط وكانت فكرة حلوة.

landscape :مع ان المادة حلوة اوى لكن اسلوب التصليح مش بيفيد كتير .

design :احلى مشروع كان مشروع العمارة و باقى المشاريع كان وقتها صغير ولا احنا اللى بنحتاج وقت علشان نطلع شغل كويس مش عارف.

structure: مادة حلوة أوى أوى واستفدت منها كتير جدا د/ ابتسام يارب تكون معانا السنة الجاية.

soil و خرسانة ومساحة:مواد كورسات الاستفادة منهم قليلة شوية و حفظ كتيييييير قوانين وتجارب واثباتات و كل دة بتنسى بعد الامتحان مباشرة.

Ms3a_miso يقول...

اتكلم يعني؟؟؟.....طيب ..لو اترفدت وصيتكو العيال
....
رقم واحد انا كا ديزاين حاسس اني رجعت لورا ماتقدمتش ولا خطوة ..الا كتر خير الايام علمتني فوتوشوب
بس انا كا ديزاينر "اضمحليت" تعرفو كده زي الاعضاء اللي بتضمر من قلة الاستخدام؟؟؟ اهو دي بقت دماغي
وكنا لازم يتقال علينا الغلط مننا
مع ان كل الدفعة كده.. لما يكون كل الدفعة واقعة يبقا اكيد في حاجة غلط
لان المستوى متذبذب بغباء..المشاريع بتطلع by luck
يعني لو استمرينا عالوضع ده .. حنبقا مجرد"مهندسين بالصدفة"
لان السنة اللي جاية مش حتبقا تالتة بس لا دي حتبقا تانية وتالتة
...

الانشاء ..تجربة الابحاث بتاعت المجاميع دي تجربة فاشلة جدا .. لان لو جيت سألت اي حد عن اي حاجة غير مجموعته..حيبقا بطيخة يا معلم
ثانيا المشروع الاخراني ده
ناس فيلا وناس مدرسة وناس معرض سيارات
..وجتها خيبة اللي عايزة الخلف!!!
مافيش اي مساواة واحد زي حلاتي كان قاعد محتاس وبيشحت معلومات عن السبيس تراس والكيرتين وول وطالع عين الكائنات الحية والميتة ..وواحد تاني عنده طوب وخرسانة و lablablabla
ايوا اتعلمت والف شكر بجد ..بس ياتصعب على الكل ياتخف على الكل
..
صراحة..انا مستفدتش السنادي بأمانة
الا في الستيل المادة الوحيدة اللي الدكتور الصراحة كتر خيرة ويجعلها في ميزان حسناته كويس تنين ..الدكتور الكويس بيتعرف لما الطالب اللي مايخدش كورس يفهم..انما لو اخد كورس وبردو مافهمش يبقا الدكتور ده مكبر الصفيحة
..مساحة كونكريت ؟؟ ايه الفايدة ؟؟حشو كلام على الفاضي
..............
نيجي للتقيلة..دراسة الجدوى الاقتصادية لعنة الله عليها..
الدكتور اللي كان بيدينا كويس وكل حاجة ومحترم..بس في كليته مش عندنا
عندنا يعني حيتهزأ كل سنة
مادة المفروض تكون مخففة وكلام بالبلدي كده .. مش واحد عامل كتاب وحاشيه كلام فارغ عشان يكتر عدد الصفحات والناس تسقفله انه عامل كتاب
وبعدين انا مالي انا اذا كان يعمل فرن ولا الخصم الضريبي ؟؟؟ايه العلاقة بيا...ده كده عاملة زي اعلان الايس
كريم بتاع الحاجتين اللي مالهمش علاقة ببعض...بتمنى المادة دي تتلغى من اساسه .. يا ربنا ارفع مقتك وغضبك عنا

بس .. ومشربش الشاي اشرب ازوزة انا

:D

Michael Magdy يقول...

دراسات الجدوي: لا استفاده
soil: الاستفاده قليله قوي
الخرسانه: عرفت منها معلومات بس نسيتها
landscape: كان نفسي استفاد اكتر من كده بكتير
النظريات: كانت ماده حلوه قوي بس مكملناهاش و حصلت لغبطه مش عارف سببها ايه و الدنيا دخلت في بعض
الانشاء: الترم الاول الموقع العام التيرم التاني البحث الجماعي بتاع مجموعتنا بس الباقي لا اعرف شئ
المفروض كانت الابحاث الجماعيه بتاعه اي ماده تبقي مع كل واحد في الدفعه زي النظريات و الانشاء مثلا و طبعا المفروض كان كل واحد يكون فاهم كل بحث و يتسأل فيه في الجوري بس مكانش في وقت اساسا بس علي الاقل نكون فهمنا حاجه من المحاضرات بس المحاضرات كانت غير مفيده و الوقت كان ضيق جدا
شكرا D: