الجمعة، 15 مايو 2009
مش عاوزين دة يحصل تانى
السلام عليكم
اظن ان عدم النظام اللى كان حاصل يوم الخميس فى تسليم شيتات الخرسانة دة محدش كان موافق علية عشان دة مش اسلوب طلبة جامعيين ابدا اى نعم البشمهندس مصطفى كان قصدة اننا كلنا ناخد درجات بس اكيد مكنش المفروض يبقى بالطريقة دى و التجمهر اللى كان حاصل حوالية دة مكنش صح كان حيحصل اية يعنى لو كان كل واحد قعد فى مكانة و مجموعه مجموعة تطلع للبشمهندس فى هدوء تتسال فى الشيتات و كلهم يبقوا سامعين و فاهمين هوة بيقول اية ويستفادوا بجد اكيد مكنش حيحصل حاجة لو كان فى حبة نظام و انا متاكدة ان الناس اللى كانت واقفة حولين المهندس كانت متضايقة بردة من الواقفة دى
الحاجة الاهم اللى كنت عاوزة اقولها ان انا مش عاوزة الدفعة تبقى موافقة على اى ظلم يحصل يعنى اكيد فى ناس اتظلمت و ناس اخدت درجات مش حقها الموضوع مش درجات الموضوع ان كان فى ناس موافقة على الظلم و دة مش حلو معنى كدة ان اكيد اى موقف تانى اصعب من دة حيبقى فى ناس موافقة علية و دة اكيد حاجة مش حلوة انها تبقى الروح اللى بين الدفعة احنا حنفضل مع بعض 3 سنين قدام يعنى لازم نخاف على بعض اكتر و نحترم بعض اكتر
انا بس عاوزة اطلب ان كلنا نبقى يد واحدة فى كل حاجة و يا ريت كل اللى كانوا موافقين على اللى بيحصل يعيدوا تفكيرهم فى اللى حصل و يحطوا نفسهم مكان اى واحد اتظلم
الحاجة التانية اللى كنت عاوزة اطلبها ان نفكر بعقل شوية مش كل حاجة نتشدلها منغر مانبقى عارفين هية صح و لا غلط يعنى بيتهيالى ان الناس لو كانت عملت اضراب عن اللى حصل امبارح كان حيبقى احسن مش الاضراب اللى كان حيحصل يوم اسكيز الديزين اللى اساسا مصلحة للناس اللى كانت عندهم مشاريع مرفوضة
انا اسفة انى طولت اوى كدة بس بجد نفسى نبقى احسن فى كل حاجة و ان شاء الله ربنا يوفقنا
السلام عليكم
الاشتراك في:
تعليقات الرسالة (Atom)
هناك 35 تعليقًا:
السلام عليكم
عندك حق يا اروى في كل كلمة انتي قولتيها و انا مقنعة بالكلام اللي انتي قولتيه و بشمهندس مصطفى ليه كل احترام و تقدير و انا عارفة انه كان عايز يرفع درجتنا بس هي الطريقة اللي اخترها علشان يرفع بيها درجتنا مكنتش مظبوطة اويي كان في اكييد طرق احسن و اسهل و منظمة اكتر من الطريقة دية و يا بشمهندسيين مش كل حاجة بتعملها في الكلية علشان الدرجات في حاجة اسمها علم انك بتـأخذ المادة ديهعلشان تتعلم علشان يبقى بعد كده عندك علم تفيد بيه نفسك و تفيد الناس و لو الناس اللي كل هامها في الكلية درجات يبقى ان شاء الله الناس دية برده لما تتخرج حيبقى هامها اي حاجة تانية ما عدا انها تبني مبنى صح كل واحد بيبقى ماشي على مبدأ طول عمرة يا ريت الفترة ديه كل واحد فينا يراجع فيها افكاره و مبئة و في الاخر احنا دفعة و احدة يعني كلنا عيزيين مصلحة بعض و اتمنى الخير و التوفيق للجميع
عندك حق يا دينا
انا شايفة ان بشمهندس مصطفى احسن معيد من هندسة جالنا واكتر واحد بيشرح بضمير وبجد انا من الناس اللى بتاخد معاه كورسات وزى ما بيشرح فى الكورس بيشرح فالمحاضرة بلملى والله وكان كل قصدة من موضوع امبارح دة انه يعلى درجتنا زى ما دينا قالت " هي الطريقة اللي اخترها علشان يرفع بيها درجتنا مكنتش مظبوطة اويي كان في اكييد طرق احسن و اسهل " ودى وجهه نظرها .. وكان ممكن أصلا ياخد الشيتات فالبيت يصلح بمزاجة ومثلا يدى اللى بيديهم كورسات اعلى ويقلل الباقى ومكنش حد حيقله تلت التلاته كام بس هو معملش كدة ..
انا من رأييى مينفعش بعد اما يكون كدة معانا ويتعامل معانا كأنه أخونا الكبير وبكل تواضع وعايز يساعدنا بكل الطرق من نحية الشرح والدرجات نيجى نقول دة ظلم أو دة راجل ظالم بجد حتى لو هو غلطان مش ننسا اللى عمله معانا ونمسك دى وانا كلامى مش رد على أروى انا بتكلم عمتا
( حاجة تانية فى ناس كانوا بيقولوا ان كل الناس نقلين الشيتات .. زى ما فى ناس نقليين فى ناس حلينه كله والبشمهندس اكيد مش حيعرف مين ناقل ومين حالل فأكيد حيدى كله درجات انا طبعا اكيد حزعل لو انا حله الشيت وناس ناقله وجابوا اعلى منى اكيد بس هو حيعرف منين ) ( نقطة تالته موضوع لجنة التحكيم دة كان كل قصد البشمهندس منه ودة اللى فهمته انه لو ظلم حد يعنى اللجنة دى تكون شواهد من الدفعة انهم يقولوا رأى مش أكتر و الصراحة انا اتضايقت أوى اما كنت بدافع عن ناس معينة وبقول للبشمهندس حرام دى حلة وكدة وهى اللى عملاه ورايي انك تزود درجتها راحت ردت و قالت هى اللجنة دى على أساس ايه :( :( يعنى من الاخر مش محترمنا :( بجد حاجة تضايق اوى اوووووووووووووووى
عمتا ما علينا بشمهندس مصطفى احسن معيد جالنا من هندسة ومن رايي انه مظلمش حد هو كان كل قصدة يساعدنااااااااااااااااااااااااا
liki ha2 ya arwaaa ana 3arfa en bashmohandes mostafa makansh asdo we kan 3ayez yedina daragat we ye3alihalna bas kan esloubou 3'alat el mafrood tarama karar eno yes2alna yes2alna kolena mesh yo3od yedi offers we eli beyetsa2al momken ya5od 2a2al ketirr men eli da5al fi el offers eli momken yekoun eli da5al fi el offers aslan mesalem wara2 fadiiii we eli 3ayez yetsa2al yo3od yedous 3alih awi fi as2ela kaneno bey3akbou eno 3ayez yetsa2al we mesh 3ayez yed5ol fi el offers we ye2oulou mesh enta eli 34ayez tetsa2all akid kan 3ayez ye3mel haga kowayessa we yedina daragat bas dah mesh 2asloubbb we kefeya 3adam ehteram el dof3a le ba3daha we taleb ye2oul le talaba zayou fi el dof3a e5rassoooooo we el bash a3eddd walla ekmen lagnet tahkim ma3alina ana mesh asdi had bas ana mo3tareda awiii 3alla el mawkefff
عندك حق يا تسنيم و كنت بقول فعلا لو كنا اعتمدنا على اللي احنا عاملينو مكنش في حد هيعدي غير قليل اوي , و فعلا الباشمهندس مصطفى اكتر معيد بيحس بالطلبة و فعلا اخ حقيقي (الا بقى لو حد شايف حاجة تانية ) ده لو عاوزين اللي زيي ميعدوش
السلام عليكم انا عايزة اقول حاجتين اولا///////كل الى بتكلم وعاجبة الى حصل اكيد طبعا الى خد درجات راضى عنها لاكن للاسف كل واحد بيجري وراء مصلحتة مبنبصش على الخد درجات قليلة لىىىىىى علشان اتسال لكن فى ناس متسالتش ولا حتة كملو الشتات وخدو درجات اكتر من الى تعبو على فكرة انا اخت درجات كويسة بس انا بكلم بدام واحد اتسال يبقا الكل يتسال ثانيا//////////// الاحترام لما طالب معانا فى نفس الدفعة يهزقنا امام المشمهندس فعلا دفعة بتحترم بعض ولم كل شوية حد يعلى صوتة ويقول الصوت للاسف مش كدة بس لما نقول كلنا يد واحدة مبيحصلش محدش بيكلم حد لغير ياخذ منة مصلحة مش اكتر ومش الكل بصراحة لاكن فى ناس كدة................للاسف كان نفسى فى نهايت الترم نكون دفعة احسن من كدة
ياجماعه الراجل كان قصدو خير لأن هو بجد لوكان سالنا زى ماحصل مع ناس كانوا حا ياخدوا درجات قليله وكان بيسال من حاجات واخدنها مش بيفترى علينا زى ماناس فاكره صحيح الطريقه كانت مش منظمه بس ده رجع بالخير لينا فى الأخر واللى بيقولوا ان البشمهندس سكت على اللى قال اخرسوا ماحصلش هو زعالوا وهزأوا قدمنا كلنا يبقى بلاش ننم على حد وهو فى النهايه كان فى مصلحتنا
انا معاكى يا تسنيم ان البشمهندس مصطفى بيشرح بضمير و كا حاجة بس انا مع دينا و دى بردة من وجهة نظرى ان الطريقة مش مناسبة بس انا باتعامل ان الطبيعى ان الدرجات تتحط على المجهود مش ان الطبيعى ان كان ممكن ياخد الشيتات و يحط الدرجة اللى هوة عاوزهاالحاجة التالتة ان انا لما رديت و قولت على اساس اية كنت متضايقة و من الموقف عشان زى ما كنتى بتدافعى عنى كان ف نفس الوقت فى ناس تانية بتدافع عن ناس و هية مش على حق بس للاسف طلعت فيكى انتى و البنات بس انا بجد ماكنش قاصدى اضايقكم و لا انى مش محترماكم و لا حاجة بجد
و انا اسفة لو كنت ضايقت حد تانى غير تسنيم بس انا كنت متنرفزة اوى و كنت على اخرى من اللى بيحصل و بردة لسة مش موافقة على الطريقة اللى كانت بتتسلم بيها الشيتات
السلام عليكم
انا شايفه ان اللى حصل امس فعلا حاجه تضايق عشان اللى حل كل الشيتات اتساوا مع اللى ما حلش بس انا عارفه ان الباشمهندس كان فعلان قاصده مصلحتنا"بس انا مازلت متضايقه من حاجه بتحصل فى دفعتنا" ان كل واحد بيدور على مصلحته الاول واما انها تيجى مع مصلحه شويه ناس تانيه فى الدفعه صدفه او ماتجيش وبجد ديه حاجه وحشه "قال رسول الله صلى الله عليه وسلم:لا يؤمن احدكم حتى يحب لاخيه ما يحب لنفسه0صدق رسول الله صلى الله عليه وسلم"
لوطبقنا الحديث ده اكيد حياتنا هتتغير كتير للاحسن طبعا؛اتمنى الناس كلها تفهم معنى الحيث ده وجزاكم الله خيرا
معلش البشمهندس ادا فرصة للي عايز يتسأل والي مش عاوز يتسأل و مكنش في اى ظلم عشان الي مكنش بيجاوب اداه فرصة مرة و اتنين و تلاتة و كان في ناس كتير مكنتش عاوزة تتسأل و بعدين و فعلا زي مالبشمهندس قال لو كل واحد محتاج 4 دقائق يبقى هيعد 12 ساعة يعني مش هيخلص و بالنسبة للعروض مكنش حد بيحط حاجة غصب عنه يبقى محدش يزعل على درجة اخدها و البشمهندس دة احسن معيد جالنا بجد عنده ضمير اوي و بيعاملنا زي اخواته و بيحاول يساعدنا على اد ميقدر و من وجهة نظري هو مظلمش حد
اروى > انا مش زعلانه بس الموقف مكنش حلو انى يعنى اكون خايفة عليكى وبتكلم والاقى الرد منك كدا بجد اتحرجت اووووووووى عمتا حصل خير واحنا دفعة واحدةواخوات ومفيش بنا زعل (K)
*بالنسبة الطريقة اللى الدفعة كانت متجمعة امبارح ادام البشمهندس اصلا لو ركزتوا اننا احنا اللى عملين المشكلة احنا لو الدفعة هى اللى كانت واقفة بنظام كان الموضوع اتحل كان كلنا حنستفيد ومنغير صوت وبنظام العيب فينا ولازم نتغير
* فى ناس تعبوا فى الشيتات وفى ناس متعبوش وجابوا درجات كل واحد لازم يعرف " إن الله لا يجيع اجر من احسن عملا "
* اللى بيقول ان فى ناس موافقة على موقف امبارح عشان جابوا درجات وانهم بيدوروا على مصلحتهم انا الحمد لله من الناس اللى شيتاتهم كانت كاملة بس انا قلت راييى ان البشمهندس عمل كدا عشان يعلى الدرجات
واختلاف الرأى لا يفسد للود قضية بس انا مقتنعة اوى انه لو كان ظالم مكنش عمل معانا كل دة ومكنش يشرح بالطريقة دى بجد كتر خيره :) وهو كان نيتوا كويسة اوى
اللى كلنوا عاملين اضراب على سكيز الديزين كان الهدف منه اننا ما اتعلمناش حاجه من مشروع احنا مش فاهمينه اصلا والكروته اللى حصلتلنا فيه والناس اللى كانت موافقه كانت موافقه عشان مصلحة الدفعه انها تنجح وتعلى نسبة النجاح عشان يعدواومش مشكله يكونوا اتعلموا ولا لا
اللى حصل يوم الكونكريت كان نفس المبدا باشمهندس مصطفى عمل كده عشان الناس تنجح وتعدى ومش مشكله يكونوا مذاكرين وفاهمين ولا لا لان نسبة النجاح فى اعمال السنه واقعه يعنى نفس المنطق
وبرده بنبص ان دى حاجه ودى حاجه مع انى فى باطنهم واحد
المبدا ما بيتجزاش والظلم له اوجه كتيره بس فى الاخر العدل لازم وحتما ولا بد وبكل المسميات لازم يظهرويبان
والانسان مخير فى الحياه
على سكيل اصغراللى حصل امبارح الباشمهندس قال اللى عايز يتسال يتسال واللى مش عايز مش عايز كل واحد مسؤول عن قراره ومتحمل مسؤليته
اللى كان عايز يتسال يبقى قد وقفته وقد قراره ويتسال وياخد على قد وقفته
واللى قبل العرض هو قد انه ما يتسالش وياخد اللى وافق عليه
انا معاكم ان فى خلل فى نظام الدفعه
ومش بس الدفعه هى الحياه كلها بقت غلط الصح يبقى غلط والغلط يبقى صح
مى معاكى حق فاللى انتى بتقوليه بس يوم الاضراب اما كنا بنتكلم كان معظم الناس بتقول يعنى لو اشتغلنا مش حنجيب درجات عشان احنا مش فاهمين حاجة خااااالص خاااااالص ومهما جبنى من درجات مش حتبقى الدرجة حلوة فمنشتغلش بكرمتنا لكن فموقف الكونكريت تفرق اقل وااحد مسلم شيتات ( بغض النظر عن الناس الضايعين ) فاهم ولو جزء كبير هوا عامل ايه او الموضوع بيتكلم عن ايه ( غير الديزين ) والبشمهندس عمل كدا عشان يعلى اعمال السنهولو مكنش عمل كدا كانت الدفعة سقطت عشان معظم الناس مش حلين حلو فى الميد ترم عشان الامتحان كان فيه حجات غامضة وصامته :d
وبعدين فى تعليق بسيط انتوا كنتوا عايزين حد جى يقول انا عايز اساعدكوا و عامل معاكوا خير نقف قاصدوا ونقولوا عاملين اضراب مش عايزين ... ؟؟؟!؟!!!!!
دة اسلوب البشمهندس مع الدفعات اللى بتبقا جايبة درجات قليلة ومحدش كان بيعترض مش حنيجى احنا نخليه يغير من اسلوبه ولا نعلمه يعمل ايه .. مش قصدى حاجة بس كل واحد من الدكاترة والمعيدين بيبقا ليه اسلوب ماشى بيه ومقتنع بيه تمام ومهما حد جادل معاه مش حيقتنع (زى ما أروى كانت بتقترح وهو مقتنعش ) مع العلم اننا اصغر منه فميصحش اصلا اننا نقله مينفعش اللى انتا بتعمله دة واحنا عملين اضراب .. لو عملنا كدة اكيد مش حيرجع فكلامه ولا اسلوبه ..
يوم الديزياين كان المشكلة ان دة مشروع مفيش خلفيه عنه اخدينه فى وقت قليل لكن فى الكونكريت احنا كدة كنا حنعترض على اسلوب حد ( شخصيته بشمهندش مش مشروع ) واعتقد انها تفرق كتير
bsra7a ana shyfa en bashmohnds mostafa msh 3.ltan awy kda y3ni ento lw fkrto feha hwa lw 25d m3ah el sheets fe el beet w kan shaf elly m7lol akid kan hydy drgat 23la le elly 7len aktr 3shan hwa my3rfsh men 7l bmghodo w men n2l
7ta lw kan 25d wa7d wa7d w s2lo zay ma ento 3yzen ma hwa 3ml kda w fe kteer m3rfosh y7lo tab ma hwa adako forsa wento m3rftosh tab hy3ml a y3ni
mashy fe nas 25do aktr mn 72hom bs m3lsh mfesh ay 7ad 25d 2a2l mn 72o bl3ks kan byzwdhom we hwa bgd a7sn bashmohnds glna mn hndsa we eno f3ln byshr7 bdmeer gdnnnnnnn
بصراحه يا جماعه انا مش شايفه اي ظلم حصل من الباشمهندس بالعكس وبعدين هو كان مخير كل واحد وكل واحد مسئول عن اختيارة اللي عايز يدخل ف عروض يدخل واللي مش عايز برضه براحته يتسأل عادي وكل الاسئله كانت من المهنج مفيش حاجة اتسألت كانت من برة المنهج
ووبعدين بجد يعنى بعد كل اللي بيعمله معانا عشان يعلي درجات الدفعه شويه (عشان زي ماحنا عارفين ان فيه ناس كتير كانت ضايعه ف الميد تيرم ).. الباشمهندس كان مستنى مننا حتى كلمة شكراا يا باشمهندس .. نيجي احنا نقول عليه ظالم ؟؟
لا بجد يا جماعه باشمهندس مصطفى بيعاملنا كويس جداااا واحنا ماننساش يوم تسليم مشروع الديزاين عمل ايه معانا بجد كان بيقدرنا اوى
وبصراحه انا اتكسفت اوى من رد فعل الدفعه امبارح الأنه فعلا مايستحقش مننا كدة
اخر حاجة بقا ... بالنسبه لموضوع الشيتات المنقوله دي .. زي ما في ناس نقله فيه ناس برضه حلت بمجهودها ولو ناقلين حاجة بيكونو لحد كبير فاهمين اللي ناقلينه .. وبعدين مهو ف الديزاين اكيد فيه ناس بيتعملها مشاررييييييع .. مين هيعرف اذا كانو هما اللي عاملينها فعلا ولا لا؟؟
هلو فكرنا شويه ف الموضوع هنلاقيها هي هي
دي وجهة نظري ف الموضوع
واختلاف الرأي لا يفسد للود قضيه
واسفه ع التطويل
كل واحد ليه اسلوبه و نظامه هو حر فيه و برده من حق اللي شايف ان الاسلوب ده غلط يتكلم و لا حنفضل نشوف الغلط و منكلمش و بالنسبة للسكيز الديزين ده حاجه و اللي حصل في الكوكنريت حاجة كلنا في الديزين اتسوينا كلنا اعدنا اشتغلنا و معظمنا مكنش عارف حاجة غير الكونكريت هو اللي حصل حصل وبس من حق كل واحد يعبر عن وجهه نظرة و مش لازم كل واحد يقتنع بوجهه نظر التاني احنا بنقول اراء و بنعبر عن وجهة نظرنا و على ما اعتقد ده حق مشروع لكل واحد طالما مغلطناش في حد او اتكلمنا عليه بسوء (ملحوظة : من اول تعليق مكتوب اننا بنحترم جدا بشمهندس مصطفى و محدش قالل عليه و على شخصية اي حاجة بالسوء )
جماعة يا ريت بس لما نعمل تعليق على حاجة تعملوا تعليق و انتوا متأكديين من الكلام اللي قرأتوه لان كذا حد قال ان فيه ناس قالت ان البشمهندس ظالم و ده و لا مكتوب في البوست و لا في اي تعليق :)
انا عن نفسى قلت انا بتكلم عمتا من الكلام اللى سمعتوا امبارح مش من هنا وبعدين انا مبسوطة بغض النظر انا الاراء مختلفة بس النقاش فى حد ذاته خطوة ايجابية مكناش بنعملها كتير يا ريت يا جماعة نقرب من بعض اكتر مرة زى محنبقا مختلفين فى الراى اكيييد واحدة واحدة حنبقا ايد واحدة:d بجد عشان انا مش عاجبنى نظام ان كل شلة فنحيا عايزين كل الدفعة تبقا حاجة واحدة ... يا ريت دى تبقى نقطة بداية :)
انا كمان معاكى يا تسنيم ان لازم نقرب من بعض اكتر و نسمع بعض و نبقى يد واحدة و يا رب نبقى احسن دايما مهما اختلفنا ف الاراء
طبعا كلها وجهات نظر
وعموما يعنى انا قريت البوست كويس جداااا طبعا
واللي حصل ان ف الكليه فيه ناس قالت ان اللي بيعمله الباشمهندس ده ظلم
وانا كنت برد ع النقطه دي بالذات
سلام عليكم
قال الله تعالى"قل هل يستوى الذين يعملون و الذين لا يعملون"
-لما حد كان بيتسأل و مبيعرفش يجاوب كانت لجنة التحكيم بيكتبوا الاجابة على السبورة من وراء الباشمهندس و دة غش و اكبر دليل ان دة غلط انهم كانوا بيشاوروا على السابورة من غير البشمهندس ما باخد باله ان فى حاجة بتحصل وراه
- تانى حاجة لازم نفكر بالعقل مش بالعاطفة مش عشان الناس حتسقط فى الكونكريت يبقى دة الاسلوب اللى ياخدو به درجات كل واحد لازم باخد على اد مجهوده مينفعش اقول فى حد صعبان عليا ولازم انجحه فياخد درجات ميستحقهاش
- اخر حاجة بقى احنا لما بنعترض على اى حاجة بيبقى و الله العظيم و الله العظيم عشان مصلحة الدفعة و عشان بنبقى بجد خايفين عليكو و بنحبكو اوى اوى و عايزنكو تبقوا احسن
- يا ريت يا جماعة تفهموا وجهة نظرنا صح احنا بجد بنحبكو و خايفين عليكو
السلام عليكم
طبعا محدش كان موافق على اللى حصل فى الكونكريت من ناحية الزحمة والتجمع والصوت العالى والشد بينا وبين بعضنا
بس مش معنى كده اننا نكون ضد البشمهندس مصطفى
على فكرة الراجل ده انسان بمعنى الكلمة
ثانيا احب اقول حاجة فى الديزين انا من الناس اللى كانت موافقة على الشغل واننا نشتغل
ليه منجربش ليه منحولش نتخيل... المطاليب عندنا فى الشيت مش ناقص غير اننا نفكر شوية
واظن احنا سمعنا اننا لما نقدم على وظيفة بره بيطلبوا مننا عمل تصميم لمشروع فى زمن محدد مش هنقلهم ادونا يومين نفكر ونجمع داتا ونيجى
بشمهندسين معلش طلب بايخ مني بس ممكن تكتبوا اسماءكم لاني مش عارفة ميين اللي بيكتب :$:$
من غير يامنة ماتحلفى احنا بجد فهمين كويس وانتى من الناس بجد الى بتشوفى مصلحتنا كلنا
اللي كنت حقوله تسنيم قالته
انا شايفه ان باشمهندس مصطفى مغلطش ابدا هو مش اجبر حد على حاجه هو خير الناس بحيث اللى شايف نفسه مش قادر ومش حيعرف يجاوب عمل موضوع العروض دى والانسان اللى واثق من نفسه طلب انه يتسال وبجد فى ناس اتسالت وجابت درجات النهائيه فمش من حق اى حد انه يفرض رايه انا مثلا مش حعرف اجاوب حد غيرى رايه انه قادر على انه يجاوب فى الحاله دى يعترض ويطلب انه يتسال لكن انى اعما اضراب على حد جى يساعدنى طب ازاى؟
ولما نص الدفعه تبقا طالعه بالماده مين اللى حيبقا مستفاد كل الحاجات دى مكملات عشان اعمال السنه واكيد العبره باخر السنه وحيبان المذاكر واللى مش مذاكر
اسفه ع التطويل
gama3a hwa el ragel 3ala ra7to m3lesh .... hwa shaif mn daragt el midterm en nas kter ri7en f dahia w hwa kan karim shwaia f mwdo3 el dargat da w lw sa2lto el dof3at el abl kda 7i2ololko en da kan bi7sal w m3lesh ana asef el msh mwaf2 3alih kan yetsa2l w yegawb w ya5od daragto mn 3'er 7aga w tab3n makansh 7aia5od el darga el hwa 5adha fel a5r ana shaif en bashmohndes ma3'altsh w .....w ya gam3a ...lw sa7to bgd nefsi el kelma el 2a2olha di t5do balko mnha awi .........fel kolia el ya5od darga f ai mada maibosesh l dargat el gambo gab kam
what ever b2a ana mabal27sh kalam bas ana batkalm w 5alas waqna msh asdi 3al concret bas ana asdi enta msh 7atgeb darga 2olila 3shan el gambak gab darga 3alia bas enta gebt el darga di 3shan enta test72 el darga di 7ata lw zolm lik w 7ata lw karam lik wa7d zaie ana masln gebt 6x(8) fel concret w asta72 2a2l mn kda b mara7l bas lw baset b2a 7ala2i wa7d f3ln 2a2l mni w 5ad 3x(10)w 3(9) .........ANA MALI hwa ygeb el hwa 3iza wana gebt el rabna karm bih malish d3wa bih -7ata lw kan sa7bi- bas kda b2a tawlt 3aliko
enta bt2ol kalam zy el foll ya 7abashy
إرسال تعليق