هاي يا قوم العماره
جئت اليكم اليوم بنبأ عجيب والنبأ ده ياعم منك ليها انكم ناسيين البارثينون وبما ان البلوج كان بينش وده طبعا عشان انا مش بكتب فيه
شايفين التواضع :D
انا انهاردا جايبلكم كل صغيره وكبيره تقريبا تبع معبد البارثينون اللي حطمه الدهر بكلكله و جاب مناخيره في التراب
وانتو عارفين طبعا ان معلوماتي موثوق فيها يعني على سبيل المثال ان اللي طير مناخير ابو الهول هو القائد العظيم محمد علي كلاي
سيبوكو من الكوره دلوقتي ومحمد علي كلاي ومحمد علي باشا
معبد البارثينون ده اساسا معمول في اتينا طبعا زي مانتو عارفين وده كان معمول عشان كبير الالهه وهو طبعا البشمهندس زيوس دفعه اولى عماره دفعه ابن خالتي
وده اتبنا من اكتر من 1700سنه والمبنى ده اعظم مبنى كلاسيكي يوناني ظل على قيد الحياه
والمبنى ده ياعيني يابني ياما اسى
ايام مكانت بلاد فارس ليها شنه ورنه و بالتحديد في سنه 480 قبل الميلاد المبنى ده اتدمر بس تدمير جزئي طفيف لان الغزو الفارسي كان هدفه محو ثقاف ماهو يوناني وخضوع اليونان الكامل لبلاد فارس فدمر كتير اوي من المعابد اليونانيه وبافيها البارثينون ولم تستخدم للعباده زي زمان لان انتو عارفين طبعا ان في بلاد فارس كانو بيعبدو الاصنام ويعبدو النار
عشان كده استخدموها زي خزينه حاجه تنفعهم يعني
بعد كده اتحولت البارثينون لكنيسه مكرسه للعذراء مريم و بعد الفتح العثماني اتحول لمسجد في سنه 1460 م
وبعد الاغراق العثماني اتحول لمبنى لحفظ الزخيره وده ادى لوقوع انفجار كبير اوي خلى منظره زي مانتو شايفين كده
وفي سنه 1816 ودو الحاجات اللي فاضله منه من تماثيل وتحف للمتحف البريطاني وهما دلوقتي في اليونان بيحاولو يرجعو الحاجات دي لمكانها الاصلي
وفي نص القرن الخامس قبل الميلاد عندما اصبحت اكروبولوس مقرا لجامعه اثينا delian
وبدأ طموح بريكليز لبناء المشروع الذي استمر بناؤه منتصف القرن الخامس قبل الميلاد
والبارثينون ده كان تحت الاشراف العام للنحات فيدياس ده اشهر نحات في الوقت ده
والمهندسين المعماريين اكتينيوس و كاليكراتس (اساميهم صعبه اوي ايه الاسامي دي) دول بتوع الصين ارحم
ونقلو الحجاره المستخدمه للصنع من جبل اسمه بنتيليكوس وده بعيد 16 كم من اتينا يعني بعيد اوي عشان ينقلو حجاره
المشكله دلوقتي مش في كده المشكله ان اي معلومه اكيد مهمه وليه ان اول مشروع حيقابلنا ليه هو البارثينون مش حاجه تانيه
انا شخصيا اكتشفت بعد ماسمعت عن البارثينون ان كل حاجه في اسكندريه يونانيه
حتى البيت اللي انا ساكن فيه يوناني
مع ان اللي بانيه تركي
وكان لازم يتمسك بتراث بلده
بس تأثر اسكندريه باليونان تأثر فظيع جدا جدا لدرجه ان بوابه الاسكندريه مكتوب عليها باليوناني
والجندي المجهول عليه اعمده يونانيه و الفنادق المصريه اللي عالبحر انا اساسا بقيت شاكك ان الفنله الجيل اللي انا لابسها
Made in younan
MS3A_MISO
هناك تعليق واحد:
ant begad zay el 3asal w gamil awe el ant katbo da begad kalam gamed awe awe
إرسال تعليق