الأربعاء، 17 أكتوبر 2007

لا تثق في حواسك

هااااي
يمكن ظهوري انهاردا حيكون مختلف تماما عن الظهور الاول لمراسلكم مسعى ميسو انهاردا موضوع خفيف شويه وللاسف علمي الى حد شفيف رقيق لا يرى بالعين المجرده ولكنه يرى بالميكروسكوب الالكتروني

موضوع انهاردا يا ولاد حيكون عن حاجه مهمه جدا جدا
كلنا طبعا عارفين الحواس الخمسه اللي كانو بيعلموهالنا في الحضانه (البصر الشم اللمس التذوق السمع)

وانا ماشي في النت كده في امان الله كتبت في جوقل "صور غريبه" فلقيت صوره خداع بصري و مش اي خداع دي شككتني في نفسي دي شككتني ان الملكه نفر تيتي تنحت عن الحكم حبقا اوريهالكم
فأوحتلي بالموضوع ده ففضلت ادور وادور على الرغم من هلاكي جسمانيا وعقليا و نفسيا و.... بس
من امبارح في الديزين

حتناول حاسه حاسه وحثبتلك بالادله والبراهين ان الحواس اللي عندك كلها يمكن خداعها و طرق الخداع دي ملموسه جدا جدا كمان وكلنا مش واخدين بالنا منها

من تحت لفوق
اولا حاسه التذوق:
اثبتت التجارب العلميه ان حاسه التذوق معتمده كل الاعتماد على حاسه الشم يعني ايه الكلام ده
يعني لو سيادتك سديت مناخيرك وانتا بتاكل حاجه آدي دقني لو استطعمتها
بدليل ان سيادتك لو عندك زكام بتقولو جمله مشهوره اوي " انا مش عارف استطعم الاكل" حط نقطتين وتلت شرط وفصله منقوطه
ده غير ان اللسان متقسم اجزاء كل جزء خاص بتذوق ماده معينه يعني لو جه عليه حاجه تانيه مش حيدوقها طبعا عارفين الكلام ده من ابتدائي

ادي اول برهان
يبقا كده اول حاسه فشنك

ثانيا حاسه الشم
اقوى حاسه وسر قوتها هو سر ضعفها
سيادتك لو نازل تقابل واحده اكيد يعني حتخلص ازازه البرفيوم كلها وتبقا شامم الريحه على طول (قوه)
اقعد شويه في بيتكو بلاش تنزل حتلاقي ان ريحه البرفيوم راحت
انزل روح للي انتا رايحلها حتفضل تشمشم فيك وتقولك الريحه اللي انتا حاططها دي تهوس مع انك مش شامم ريحتها خلاص
ليه؟
عشان مناخيرك اتعودت على الريحه وانسجه المناخير اكتفت بالجزيئات بتاعت الريحه زي مالميه ماتدوب فيها سكر تاخد اللي هي عيزاه من السكر وترسب الباقي
والريحه موجوده فيك وانتا مش واخد بالك وبتفضل موجوده لتاني يوم وانتا مش حاسس
آدي تاني حاسه
طلعت تكيلم تكيلم

ثالثا حاسه السمع
وانتا قاعد في بيتكو تلاقي مامتك في الاوضه اللي جنبيك وبتنادي عليك تروح قايم من مكانك وتلف البيت كله لان ودنك مش مميزه المكان مع انها في الاوضه اللي جنبك
وانتا ابدا تدور في كل حته حتى الحمام (وانا شخصيا بتحصل معايا الحكايه دي كتيييييييييييييييييييييييييير ) غباء بقا
وده نتيجه للحيود
مش غبائي قصدي على الصوت
آدي تالت حاسه في الضياع

رابعا حاسه اللمس
لو واحد صحبك جاب رمل ناعم من على اي شاطئ وجاب زيهم ملح ناعم وحطهم على بعض وجابك وانتا مغمض عنيك مش حتلاحظ ابدا الاختلاف مش حتحس ان في ملح في وسط الرمل
امسك كبايه شاي سخنه اوي وسيبها على ايدك شويه ايدك حتستحمل شويه وبعدين تسخن اوي مع انها نفس الحراره مابيتزدش دي يمكن بتقل كمان السبب في كده ان الحراره بتثير الخلايا العصبيه في الايد
والدليل في كده ان اول حاجه بتحس بالبروده ايدك قبل اي حاجه في جسمك يعني لو حطيت ايدك في حوض تلج وباقي جسمك بره حتحس ان كل جسمك سقعان مش ايدك بس

آدي رابع حاسه يالا بالسلامه

جينا عند الكبيره اوي ام العيوب خداع البصر
خامسا حاسه البصر:
انا معايا صور حتخليك تتجنن


في الصوره دي بعينك وذكائك الخارق قوللي دي ايه؟؟؟؟؟

اقولك انا ده انسان بيتعبد جوه محراب بيدعي مثلا او واحد بيقرا الفتحه لواحد ميت
بس لحظه
بص كويس كويس
ده وش انسان الستاره شعره الاضاءه اللي فوق اللي بيدعي هي نفسها حدود وش الملامح الوش
وجسم اللي بيدعي بيكون عين ومناخير وبق ودقن الوش



استنى لحظه انا حركبكو العصبي
انتا شايف الصوره دي؟
بص للمركز قرب وابعد بقا براسك حتلاقي الدواير بتتحرك جرب بقا
هيييييييييييييييه

لا بقا انا حمخولك اكتر حخليك تدوخ
بس دوس عالصوره عشان تشوفها كويس

شايف دي بقا انتا شايفهم دلوقتي كلهم بيلعبو ومش قادر تسيطر وبتقول ده جايبلنا صوره بتلعب لوحدها
بص في مركز دايره واحده حتلاقيها مابتلفش وباقي الدواير كلها بتلف جرب الحكايه دي في الدواير كلها واوعدك انك حتدوخ
آديك ياعم طلعت مابتشوفش
وبكده تكون وصلت واتسطلت

الحاسه الساسه
العقل
ههههههههه ماشاءالله ياختي
حسألك سؤال

مين اتقل طن الحديد ولا طن الريش؟؟؟؟
كله حيقول طن الحديد طبعا
ياعم الحج ده طن وده طن الاتنين زي بعض نفس التقل بس ممكن يبقا طن الحديد قد الاوضه اللي انتا فيها وطن الريش قد عمارتكو كلها
بس الاتنين زي بعض ده طن وده طن
والله مانتو فاهمين حاجه

انا سألت السؤال ده لناس كتيييييييييييييييييييييييير وقالو الواد ده بيسطعبط كلهم قالو طن الحديد طبعا
انا نفسي لما اتسألت السؤال ده تنحت مفهمتش السؤال

انا قلت الكلام ده كله ليه وايه علاقته بالعماره
ان الانسان اول حاجه مايثقش في كل حاجه هو بيعملها وماتثقش في اي حاجه انتا شايفها او شاممها
علاقه ده بالعماره ممكن سيادتك تحط اي صوره من اللي انا حطيتهم دول على اي عماره وكل السواح حيتفرجو عليها وهما راكبين العربيات بتاعتهم او ممكن تبتكر انتا كا مصمم حاجه احسن بحيث تبقا عمارتك علامه فنيه تحير اللي قدامها
بس كده وسلام عليكم يا سيكي منك ليها

هناك 7 تعليقات:

eg. MAHMOUD ABDELWAHED يقول...

على فكرة عنكم فى التشكيل محاضرة و تمرين عن الخداع البصرى وانتم الى تعملوا الاشكال
ربنا معاكم

Ahmad_Kadry يقول...

انا احوليت اكتر ما انا احول
مقصدش انى احول
بس من الديزاين يخلى اى حد احول
انا بقيت بشك فى صوابعى يا عم شايفهم سبعة
بس احلى جملة اللى فى الاخر دى جابت الموضوع كله
شكرا يا مان منتحرمش من حاجاتك الجامدة دى

E$L@M H@$$@N يقول...

GraTZZZ MaN .. you are the best ^_^ ..

Hopiz يقول...

الموضوع حلو قوى
و شكلك عندك موهبة فى الكتابة
بالنسبة لموضوع الحواس
عندك حق جدا فى ان حواس الانسان فى قمة الذكاء, كنظام عام, و عشان كده بتوصل لقمة الغباء, فى انها كأى نظام, لو عرفته, تقدر تخدعة
عجبنى قوى تحليلك لجميع الحواس, عدا حاسه السمع, حسيتها غامضة شوية و حااسة النظر, كانت محتاجه شوية كده
وعلى فكرة مش الحواس بس الى ممكن خداعا, انما عقلك كمان, سواء عقلك الواعى و ايضا اللاواعى, او العقل الباطن كما يقال له

7abashy يقول...

soooo nice ya man el klam da ana m3ndesh comment 3aleh mn kotr maho nice bas zay m2oltelk fel kolya youm el 5amis ...... msh lazm 2a2ol tany !!! :D

HAMADA يقول...

elmodo3 7lo awy ya man w yhanx 3al maghodak

cazablanka يقول...

tnx 4 da Comment