امبارح اجتمع ممثلين من كل دفعة مع د.حاتم عشان نناقش المشاكل اللي بتواجهنل و نقترح حلول ليها .. الاجتماع كان اكتر من 5 ساعات تقريبا و توصلنا فيه للاتي :
- تقديم المنهج بالكامل للطالب في اول محاضرة و اعلامه بمواعيد التسليمات و الحوار مع استاذ المادة في اي مشاكل متعلقة بالمنهج او مواعيد التسليم و معرفة الهدف من المادة
- حوار شهري او على مدى الفصل الدراسي لممثلين عن الدفعة لمناقشة مشاكل المواد مع اساتذة القسم
- التعامل بين المعيد و الطالب يكون تعامل على اساس مهني و عدم التقليل من مستوى الطالب
- تعيين المعيدين مش شرط على اساس انهم اول 5 من الدفعة و لكن على اساس اختبارات يتم فيها تقييم قدرة المعيد على توصيل المعلومة و التعامل مع الطلبة
- توزيع اساتذة القسم على الدفعات بشكل يحقق الهدف من كل سنة دراسية
- عمل تقييم للاساتذة و المعيدين اخر الفصل الدراسي من الطلبة على اسس محددة كنوع من النقد البناء
- تفعيل الاتيليه كمكان صالح للعمل فيه و ليس مكان للتصليح فقط و لكن مكان لاكمال العمل فيه و استفادة الطلاب من التفاعل بينهم و بين المعيد و الطالب اللي مش مكمل شغله لا يطرد من الاتيليه و لكن يكمل الشغل فيه
- عمل صندوق تبرعات (صندوق الطلبة) لتحسين الاتيليهات و الكليه
- بالنسبة للتسليم يكون عن طريق وضح حد ادنى من المتطلبات و على الطالب اختيار ما يجده الافضل لتوضيح فكرة المشروع
- تقييم الامتحان الشفوي يكون جزء منه على التحاور مع الاستاذ و جزء على المشروع نفسه
- ادخال اللغة الانجليزية بشكل سلس على المواد العملية
- عدم تكرار المشاريع بدون هدف واضح
- تعديل مواعيد التسليمات بحيث لا يؤثر تسليم ماده على مادة اخرى
- تفعيل الرحلات العلمية
دي تقريبا كانت اهم نقاط اتناقشنا فيها و طبعا احنا محتاجين ارائكوا عشان لو نسينا حاجة نبقى نقولها المرة الجاية ... حضر عن الدفعة : بنان , منة جمال , دينا فريد
هناك تعليقان (2):
masha2 allah 3alekom bgd , law el 7agat dih fe3lan 7atetnafez 7ateb2a fe montaha el gamal :)
عدم فرض الرأي في طريقة التسليم سواء مانيوال او كمبيوتر ..
او نوع الورق
او الرنامج المستخدم ...
محتاجين مادة للاظهار بنوعيه بدل مواد هندسة واداب اللي ملهاش فايدة في الدنيا دي
محدش يقوللي اعمل ايه ومعملش ايه في " مشروعي " يعني مثلا كنا في تانية يقولولنا ماتعملوش كذا ...
الا لو كان غلطة قاااااااااااتله
إرسال تعليق