السبت، 1 مايو 2010

عيد العمال خطاب 1 مايو

السلام عليكم ايها الشعب

ا شعبى الحبيب ايمانا منا بمبداء الشفافيه حبينا نبلغكم بالخطه بتاعتنا للمشروع الحالى الذى نامل ان يكون افضل مشاريع الترم بتعاونكم معنا
ونحن على ثقة بذالك ان شاء الله 
 " يوم 3-5 الاثنين :  
تصحيح المساقط الافقيه كلها لكافة الاستعمالات "رسم على الكاد بمقياس رسم 1-100  علشان القيل والقال والصحافه  :على شبكة موضح عليها الاعمده بلون ظاهر
يوم 6-5 الخميس :
وهنا نسمع راى المعارضه برده : المساقط معدله1 + واجهة + بداية قطاع  
يوم 10-5الاثنين :
  وهنا نسمع راى الحكومه بقى : المساقط معدله2  + واجهتين متعامدتين + قطاع+ منظور للدحيحه  
 الساعة 10 ص  يوم 13-5 الاثنين:
 تسليم المشروع على عدد 1 او 2 لوحة 50*70 شامل المساقط المختلفه غلى شبكها بدون اظهار ابيض واسود 1:100موضع عليها الاعمده بلون مختلف +واجهتين متعامدتين 1:100+قطاع راسى 1:100 
وسيتم فى نفس اليوم التحكيم من خلال جورى مع كل طالب  ومناقشته فى افكاره كما طلبتم بس يايرت كل واحد يفهم مشروعه كويس بحيث يقدر يشرحه واحنا عنكون معاك وبنساعدكم 

وانتظروا مفاجئه ان شاء الله تكون سعيده لينا كلنا وتخلى المشروع ممتاز ان شاء الله 

يلا بقى روح اشتغل انت لسا قاعد بتعمل اه سيبك من الفيس بوك ,عيزين شغل متميز يوم الاثنين شغل باين فيها سهر الليل وكمان لا تنسو يوم الاثنين الشبكه وتوقيع الاعمده بلون ظاهر على كل المساقط 

*** بس الحريه لها انياب ذى ما احنا عرفين****ملحوظه    
*
ومش محتاج اقولكم ان  الى بيسرق بيروح فين؟  .............. مارينا 
 اما الى بيسرق فى الارض ويزود ابعادها  بيروح فين ....؟ مش مارينا غالبا ..انتم عارفين بقى
* تم احتساب الغياب من المراتين السابقتين وسيتم اعلان الطلاب المرفوض لهم المشروع قريبا ويوجد عدد من الطلاب استنفذ كل مرات الغياب .برجاء للاهتمام بالحضور" الحضور المره السابقه كان 54%"  حتى لا نضطر لتطبيق قانون الطؤارى وانتم عارفين الباقى بقى 

هناك 13 تعليقًا:

Mohammed Salaheldeen يقول...

سيبني اخمن كده ؟؟!!!!!
اللي بيسرق في الارض ... بيروح ورا الشمس ؟؟؟؟؟؟؟

samar يقول...

بما اننا الشعب ينفع نعترض ان يوم واحد مش كفايةللوجهتين والقطاع وكمان بلانات معدلة

eg. MAHMOUD ABDELWAHED يقول...

غالبا واجهات الاسكان تكون سهلة والاهم فى الاسكان تحقيق مسقط جيد وياريت لو تجيبم معاكم المره القادمه فكره لوجهة حتى يكون افضل مجرد فكره بسيطه حتى

eg. MAHMOUD ABDELWAHED يقول...

خاص وشخصى لجروب D

اه قلب ما انسى
بقى انا معايا 24 زبون <الاقى منهم يوم الخميس الى فات 12 زبون !!!! ,موعدنا يوم الاثنين نظام مدرسة المشاغبين ده تنسوه فل ونلاقى شغل متميز , تم الغاء الضرب فى المدارس مش فى الجامعات .. ماشى ..

Abd elrhman يقول...

من جروب D
ان شاء الله هيكون في 24 زبون بشغل كامل يوم الاثنين القادم

fares يقول...

علىى فكرة احنا اكثر مجموعة فيها زباين....dd

Unknown يقول...

طيب و مشروع سيوه ايلى برضو محتاج جورى اكتر من الماره السكنيه بعيدا عن كل ايلى فات

eg. MAHMOUD ABDELWAHED يقول...

رباب : ان شاء الله سيوه , نحاول نخليه جورى برده

Mohammed Salaheldeen يقول...

انا نفسي اعرف ايه المفجأة دي؟؟؟

Unknown يقول...

هو احنا لازم نشتغل كاد ده تصليح يعنى شفافات فوق بعض و اقتراحات و
الكاد بياخد وقت

eg. MAHMOUD ABDELWAHED يقول...

الكاد الى بياخد وقت فى الاول بيكون توفير وقت فى الالخر وكمان بيقوم بتوضيحح نسب التبيض بدل ميحصل ذى المره الى فاتت مع بعض الناس لما بيرسمم كاد النسب تتغير

mona يقول...

مشكلة الغياب ......... زى كل سنة
حرااام بجد ان الطلبة يترفض مشروعها علشان الغياب !!!!!!!!!!
والله ياجماعة احنا بنيجى و نحضر وبنحاول نستفاد بس ساعات بناخد اجازة و بنكتب غياب يمكن علشان شغلنا مش اد كده(زى المرة اللى فاتت).........
السنة اللى فاتت كنا بنتكتب غياب علشان المعاد فى الاتيلية 8.30
السنة دية علشان الشغل اللى بنعمله
بس فى الحالتين المشروع مرفوض مرفوض
ياريت يا جماعة نلاقى حل للموضوع دة
محدش هيستفاد لو حد اترفض له المشروع
بالعكس ده هيبقى مجرد احباط للشخص وهو بيشتغل
مش مهم احنا بنحضر اد ايه المهم احنا بنستفاد اد ايه :(:(

eg. MAHMOUD ABDELWAHED يقول...

اعتقد ان الالتزام بالمواعيد و الشغل شى ء يفيد الاطرفين المعلم والتلميذ
اما عن مستوى الشغل اعتقد ان من الصعب الان وفى المشروع ده من اتفاقنا كاعضاء هيئة تدريس طالب يروح لا اذا كان جايب اقل من الحد الادنى للشغل واقل منه بكتير كمان
اما طالب يجى على الساعة 10 وكمان مش جايب شغل ويقولك انا جى اسمع او اشوف اه لااخبار او مش عارف اشتغل لان ده مش ينفع للاسف لازم يكون فى نظام يحكم اى منظمه او مؤسسه .
يلا سيبك من الراغى هنا ونروح نركز ازاى نجيب معانا شغل كويس بكره كلنا ان شاء الله ونحضر فى موعدنا