كلمة عجوزة واكلاها شيبة شايفة كل الدنيا غريبة
شبعت منها وداق طقاطنها ومن اتقانها عالودن عجيبة
على لسانتنا ولا ليها معاني ابيض اسود بقا بتنجاني
بقا مش فارقة مغرب شارقة ولا ليها تأثير ابدا في وداني
حاجة عجيبة ولا ليها مغزى ولا شلتلها في قلبي معزة
جت ومحتها في ثانية ولحظة كلمة اخترعوها الضريبة
مهما ازيد في الوصف واعجن مش بتمعن في معنى عجيب
يمكن كان مقصود بقا منها معنى خيالي في علم الغيب
اوتهجيص من بلاليص مش شايفين في الضلمة بصيص
او عايز عايزين يفتكسو الكلمة و في حروفها يغيرو ترتيب
مهما اقول اوحتى اهاتي
كله بيقلد حركاتي
مش في دماغهم عزة نفس
كله يطبل على نغماتي
ضاعت لغتي ... مش عارف صورتي لا دي صورة واحد تاني
ده لاهو عربي ولا الماني ولا حتى في اللكنة ياباني
الكلمة ممنوعة مالصرف مختصرة ومختزلة في حرف
ولا تنفع تتحط في خطبة ولا حتى تتقال في اغاني
حبة قديم مش عارف اصله وحبة جديد مكسورة مفاصله
واهو حبة طلطيش بالبوية وصاحب البيت بيسترخصله
انا خايف اصحى من نومتي الاقي كلامنا راحت موضته
يحل محله نبش وركشو زي غريب مش عارف اوضته
واللي لسانه مفكوك صواميله سابق عصره ونابغة جيله
ويتسابقو فيهم اللي يترجم وده يطبل وده يغنيله
سابقنا بسنين ضوئية؟؟؟؟ مين قال سبقهم في كلامهم
السبق بجد في تفكيرهم والسبق الاكبر تعبيرهم
كلام ؟؟؟ موجود ومرطرط
بس العالمة مش عارفة تزغرط
بتتحجج بالصوت العالي وبعالم عمالة بتظأطط
امتى نحس بأن الكارثة كل شوية في كلمة جديدة
وياربتها بقا من عقلية لا دي من ناس مشاعرها مريضة
تفكيرها محصور في سجارة وفي الشدة على طول منهارة
بدال يحل مشاكلة بيدمرنا بلهجة جديدة
Ms3a_miso
شبعت منها وداق طقاطنها ومن اتقانها عالودن عجيبة
على لسانتنا ولا ليها معاني ابيض اسود بقا بتنجاني
بقا مش فارقة مغرب شارقة ولا ليها تأثير ابدا في وداني
حاجة عجيبة ولا ليها مغزى ولا شلتلها في قلبي معزة
جت ومحتها في ثانية ولحظة كلمة اخترعوها الضريبة
مهما ازيد في الوصف واعجن مش بتمعن في معنى عجيب
يمكن كان مقصود بقا منها معنى خيالي في علم الغيب
اوتهجيص من بلاليص مش شايفين في الضلمة بصيص
او عايز عايزين يفتكسو الكلمة و في حروفها يغيرو ترتيب
مهما اقول اوحتى اهاتي
كله بيقلد حركاتي
مش في دماغهم عزة نفس
كله يطبل على نغماتي
ضاعت لغتي ... مش عارف صورتي لا دي صورة واحد تاني
ده لاهو عربي ولا الماني ولا حتى في اللكنة ياباني
الكلمة ممنوعة مالصرف مختصرة ومختزلة في حرف
ولا تنفع تتحط في خطبة ولا حتى تتقال في اغاني
حبة قديم مش عارف اصله وحبة جديد مكسورة مفاصله
واهو حبة طلطيش بالبوية وصاحب البيت بيسترخصله
انا خايف اصحى من نومتي الاقي كلامنا راحت موضته
يحل محله نبش وركشو زي غريب مش عارف اوضته
واللي لسانه مفكوك صواميله سابق عصره ونابغة جيله
ويتسابقو فيهم اللي يترجم وده يطبل وده يغنيله
سابقنا بسنين ضوئية؟؟؟؟ مين قال سبقهم في كلامهم
السبق بجد في تفكيرهم والسبق الاكبر تعبيرهم
كلام ؟؟؟ موجود ومرطرط
بس العالمة مش عارفة تزغرط
بتتحجج بالصوت العالي وبعالم عمالة بتظأطط
امتى نحس بأن الكارثة كل شوية في كلمة جديدة
وياربتها بقا من عقلية لا دي من ناس مشاعرها مريضة
تفكيرها محصور في سجارة وفي الشدة على طول منهارة
بدال يحل مشاكلة بيدمرنا بلهجة جديدة
Ms3a_miso
ليست هناك تعليقات:
إرسال تعليق