الثلاثاء، 23 يونيو 2009

افففففففففففففففففففف ايه الخنقه دي

ايه في ايه يا جماعه مانفسكوش في خروجه

عاجبكو الحبسه اللي انتو فيها دي
طب والله العظيم اراهنكم ان يكون حد فيكو اتفسح بحق ربنا الا مره واحده ده بالكتير اوي اوي كمان والمره دي كرم مني كده

طب بقولكو ايه

.....ماتيجو نخرج خروجه محترمه نروح فيها اي داهيه مبدأيا انا اخر مره شفت فيها حد من صحابي من الكليه يجي كده ممممم
من مده طويله يعني
فا قدامكم تلت خيارات
الخياره الاولى اننا ننزل مع بعض بغض النظر عن المكان المهم نكون مع بعض (لأكل هذه الخياره اضغط زر حلو)
الخياره التانيه ان سيادتك تكون اه عايز تنزل بس من جواك مكسل ومش لاقي مكان مشجع (لأكل هذه الخياره اضغط على زر شغال)
اما بقا الخياره التالته ان سيادتك مش عايز تنزل لا معانا ولا مع غيرنا اومش عايز تشوف خلقنا اساسا(لأكل هذه الخياره اضغط على زر فكسان)

حددت خلاص رغبتك ؟؟؟؟؟ تمام
نيجي للخطوه الثانيه وهي الاصعب....
حدد سيادتك عاوز تروح فين وده حنسيبه لرغباتكو بقا ونخلي الرواد بقا ينظمو يوم بقا لان ده مش من اختصاصي
فا رجاءا كل واحد من حضراتكم ايتها الدفعه الموقره:D
يكتب كومنت بالمكان اللي بيقترحه والرواد يبقو يجموعو الاماكن ويعملولنا الجدول ومعاد وحنتقابل فين وكل الحلمنتيشه دي (ده بعد اذنهم طبعا ... ولا عندكو اعتراض)

لازم تقول مكان......................................
بس ....عيشو بقا

هناك 9 تعليقات:

غير معرف يقول...

والله يا ميزو كلنا معاك
بس ياريت تلاقى حد عندة وقت اصلا يفتح البلوج ويقرا الكلام دة
انا اصلا دخلت علية صدفة وكنت مكسلة اقرا الكلام برضوا
بس من اول سطر عرفت انك انت اكيد اللى كاتب
اسلوبك باين
قلت يالا مش مشكلة اكمل الكلام للاخر جايز اضحك شوية عشان كلامك بيضحكنى
بس عموما اقتراج جميل يبقى التنفيذ
بس انا عن نفسى انا حبقى معاكوا بقلبى بس انا بس اتكلمت عشان اقولك متعملوش حسابى

غير معرف يقول...

هههههههههههههههههههه

Mohammed Salaheldeen يقول...

طه
مبدأيا شكرا هدير ده من ذوقك

ثانيا:
لا والله لاهو سيادتك مكلفه خاطرك عشان تقوليلنا انا معاكو بقلبي
ت ت ت لا تعبتي نفسك الصراحه
فين النشاط ....

طيب اقترحي مكان طيب

alloa_fkeka يقول...

ههههه حرام عليكى يا هدير جبتيله احباط اكتر عموما انا نفسى بجد كمان اخرج بس عاوزين الدفعة كلها تخرج يعنى مش حبة قليلن انا عن نفسى انا واصحابى معاكو وانا عن نفسى بحب اوى الخروج لبحرى ونقضى يوم كامل هناك بموت فى الخروجه دى قد تكون مكررة بس انا بحبها اوى وشكرا ليك يا محمد على انك صحيت الامل فى قلوبناههههههه احسن انا كنت يأست من الاجازة دى وحسيت انها هتعدى هوا من غير ما نحس بيها كالعادة

Mohammed Salaheldeen يقول...

لا هو انا من جهه الاحباط فالاحباط اساسا ماليني كده كده من ساسي لراسي

يسعدني ان في بصيص من الامل وحد اخيرا قال مكان (تمام فسحه في بحري
تمام )

هل من مزيد؟؟؟؟؟؟؟؟؟؟؟

غير معرف يقول...

بالنسبة للأحباط
كفاية كدة بقى
بلاش تقول على نفسك كدة سوءت سمعتك
اما بالنسبة لبصيص الامل
خلى عندك ثقة بالله
ان شاء الله فى امل وعمر كمان
اقترح ايضا المنتزة
لان كان يوم جميل لما روحنا هناك
بس عامة سواء المنتزة او اى مكان يفضل يكون يوم الجمعة عشان التدريب يعنى والناس اللى معندهاش اجازات غير الجمعة
اوكى ؟؟؟؟؟؟

Muaaž MuhammeÐ يقول...

حلوة فكرة المنتزة بس حد يجيب كورة

غير معرف يقول...

aaaa el 27baaaaat da ??!!! ana knt 3yza 23ml gadwal ll7`roog w nb2a nnzl kteeer :S:S wade7 2n mfesh ay 7ad m2bel 3l 7`roog m3 el dof3a :S :'(

DinaFarid يقول...

hehehehehehehe kalmko da7kny 2wy yyyyy fe eih ya gama3a howa 27na fe mashroo3 wala eih 27na fe seif(FRANCO) summer (ENGLISH) صيف (بالعربي) l'ete (en francais)
2oltha be kol el tore2 2oh mosh ba32ool kemyet el e7bat dah 25taro 2maken shofo we kararo we law 3ala el nas deh sahl tabl3'hom isa shofo bas el makan we mosh 3ayzeen makan 3ady la2 makan gdeed keda 2fkar gdeeda we 2na ma3ako we batal e7bat ya ms3a ba2a 2na warak le7ad lama tbdal e7bat (kefaia 7aram 3lek )