الخميس، 11 أكتوبر 2007

عيد سعيد


كل سنة و انتم طيبون

رمضان خلص والعيد جانا

بالونات, كحك و ترمس وحلبة

رنجة و بسكوت نشادر و غريبة

و معاهم عيديه محترمة

لمة عيلة و فسح و فرحة

هدوم جديدة وحاجات بتلمع

و يوم تنظيف البيت الى يهد الحيل

بس ممتع لأنه للعيد

و المسرحيه الى على القناة الاولى, الى عمرنا مابنشوفها

لأن قرايبنا دايما معانا و الدوشه عالية مووت

اطفال بتجرى هنا و هناك

و تأجير عجلة لنصف ساعة

و كل الحاجات الحلوة الى نفسنا فيها

بمناسبة العيد بقى, قولى ايه هى ذكرياتك بالعيد,و اكتر حاجة نفسك تعملها فى العيد ده

و كل سنة و انتم طيبين و بخير

هناك 4 تعليقات:

غير معرف يقول...

kol sana w ento tybeen ..... 3eed s3eed 3lena kolna

Mohammed Salaheldeen يقول...

العيد (شفطه مع هزه الرأس وتأرجحها يمينا ويسارا) ياسلام.. العيد يعني العصافير وصوت المزامير وجاتوهات وفطير وحاجات بتطير وحنتريش بأجنحه محلق

وكما قالت السيده صفاء ابو السعود العيد فرخه ومش اي فرخه دي فرخه مشويه وكانت حامل في بيضه
احم احم ...انا ذكرياتي مع العيد زكريات يقشعر لها الابدان

انا ليا تعقيم صغير على نقتطين
النقطه الاولى فسيخ ايه احنا في شم النسيم
والنقطه التانيه مش فاكرها ماعلينا

انا يعني مش بستمتع بالعيد اوي... طول النهار لازق في بيتنا يابني قوم اخرج مع صحابك صحابي مين بس يا ماما ييي هو انا طايق حد واادي لازقه يمكن عشان ماليش اتصال بحد عقده حياتي حاجه اسمها التليفون مش بكلم حد في التليفون نهائي عشان كده صحابي بيطفشو مني بس كده مافيش استمتاع

يمكن الخروجه بتاعت كل سنه اروح لتيتا وخلاص خلاص على رأي الزميل عمرو اديب

اكتر حاجه نفسي اعملها في العيد اممممممممممم؟؟!!!! نفسي تلغو الشيتات اللي علينا:D

لا يمكن الحاجه اللي نفسي اعملها اني انطلق كده بقالي 17 سنه محبوس عايز اكتسب خبره من الحياه عايز اصيع العيد ده :D

Ahmad_Kadry يقول...

happy feast all friends and mo3eden

ana malesh zekrayat fel 3ied kol ely 3arfo eny mesh bab2a mawgod fel beet

7abashy يقول...

kol sana wento taybeen walahy el kolya nice awy w gawaha nice bardo lma bad5olha ba7s eny f3lan da5lt 3alm tany mn 3'eer mashkl wala wag3 dma3' (tab3n bestesna2 el 7agat el bn3melha fel design w 5elafo :D ) bas walahy ana msh ba7s bel wa2t fyha w bardo kol sana wento taybeen w happy bairam