يوميات مواطن سعيد

السلام عليكم

عاملين ايه يا جماعه

انا جي انهاردا اسألكم سؤال مهم جدا الحقيقه سؤال كلكم عارفين اجابته

جماعه هو انا نكدي....؟؟؟؟؟!!!

99.9 منكم طبعا اذا ماكنش كلكم حيقول ده اذا مكانش انتا نكدي حيبقا انا اللي نكدي

طوول مانا ماشي في الشارع ببقا ماشي في الشارع كل واحد قبل مايسلم عليا ولا يقوللي صباح الخير ولا عامل ايه

يقوللي بدالها مالك متدايق ليه !!! وانا ممكن اكون ساعتها في في قمه السعاده

يظهر انا طول العشرين سنه اللي فاتت كنت بتكلم على نكد فا لزق فيا

ده لدرجه ان بشمهندسه هبه مؤنس كل ماتشوف خلقتي تروح قيلالي اضحك يابني انتا ايه مابتضحكش

باينني كشري يا ولاد ولا ايه

بس العقل بيقول ان انا لو مشيت طول النهار اضحك كده حبقا اهبل يعني ولا ايه؟؟

انا جي انهاردا عشان اخيب ظنكو فيا للاسف واثبتلكم اني متفائل

ناس كتير حتزعل طبعا عشان اللي بقوله ده

اقولكم حاجه !!! انا متفائل

ههههههههه

الشمس طالعه والورد مفتح والربيع جي والبحر ازرق والرغيف كبير والتعليم ببلاش والدنيا حلوه واحلى سنين

ونانسي البومها حلو وكل الحجات الحلوه دي

احب اقولكم اني بجد قضيت الشهر اللي فات فيه احلى ايام حياتي فعلا

تجربه الاسانسير بغض النظر عن ال70 اللي خدناها بعد الشغل ده كله بس فعلا يعني شغلنا لم يكن على مستوى الحدث

بس انا والله استفدت

عرفت صحابي بجد كل واحد فيهم كل اللي فيه عرفت كل واحد

الايام دي قربتهم مني اوي بالنسبالي

كنا شغالين في مجموعتين

كل واحد فينا يختر على باله حاجه يجي واحد تاني يروح مصلحهاله وومكن يطورها ويخليها حاجه احلى

العمل الجماعي ليه رونقه برده

كان اول يوم شغل عندي في البيت في بحري

وانا بقا عندي عاده بحب اضايف اضايف الناس مضايفه جامده بقا اشحال بقا دول صحابي

تحت مبدأ "اعرف صحبك من طبقه" وطبعا المبدأ ده انا اللي مفتكسه اكمني طفس ..احم احم

بعد ما اكلنا وظبطنا التظابيط كان في بيبسي محطوطه على الارض

وصنيه اللي فيها كبايات

فا خلصنا اكل وغسلنا ادينا وجه وقت ان اننا نشرب بقا

فانا بقا كنت بروق الطربيزه فرحت شايل الصنيه اللي فيها الكبايات فاضيه منغير مايتشرب فيها حاجه :D

وفضل قدري ينادي عليا بقا "طب ايه طب مش حنشرب ولا ايه"

وانا مصمم وماشي قرار لا رجعه فيه شيل الصنيه ودول بقا هاتك يا ضحك

ماكتشفتش بقا ان انا فعلا شلت الصنيه الا بعد ماكت وديتها المطبخ اساسا

بس احنا اليوم ده مشتغلناش اوي هو قدري كان معجب بالجيتار وحبشي كان معجب بالاورج

وهشام قاعد يقطع في الكباين :D

بس حبشي يجي منه في الجيتار والله

______

تاني يوم كان عند حبشي بقا ويا سيدي عالكنافه اللي ضربناها كانت جامده بشده

بس الحق يقال حبشي يوميها كان نجارنا وقطعلنا خشب الواد الله يباركله

موهبه النجارين بتجري في دمه :D

كان بيقطع بمنشار عجيب كده مالوش ايد وسانده بكاوتشا كده

الواد كان ممكن في اي لحظه يتعور

اشتغلنا شغل اليوم ده شغل شديد يعني انجزنا فيه كميه كبيره

___________

واتفقنا ان تالت يوم يكون عند صبري في سموحه كان اول يوم دراسه

اتفقت ان ا واسلام اننا نتقابل في المنشيه عشان نروح سموحه

المهم رحنا وركبنا مشروع وقلت للسواق بلغته "والنبي أسطا والنبي عازين ننزل كبري الابراهيميه"

شفتو أسطا دي ودي تفرق عن يسطى كتيرررر ... نبقا نتكلم في الموضوع ده بعدين

رحنا هناك بقا المشروع نزلنا بعد كبري الابراهيمه بمراحل فرجعنا مشي انا واسلام بقا

طلعنا عند صبري لقينا بقا عيل مسخره اسمه مروان اخو صبري الصغير في ابتدائي عيل مشكله كده

عنيه مليانه فضول يعرف احنا بنشغل ازاي

الواد ده كان بيساعدنا بعنيه يعني نتزنق في حاجه ينزل يجيبهلنا كده يعني

الواد ده انا حبيته اوي بقا كان شايفني عيل "فقره" فكان بيقلدني في كل حاجه

وعلمته ازاي "يحازي ويوازي" ومحدش يسألني يعني ايه

لان الحركه دي بتجمع مابين اسماعيل ياسين وزينات صدقي :D

وسبت الدنيا وقعدت العب معاه لدرجه اننا كسرنا خشبه كنا حنستعملها

مش عارف ازاي هشام مسك اعصابه ساعتها

المهم ركبنا نص الاسانسير ورحنا مروحين بقا

_____

بس كان في غلطه ساعتها في الاسانسير ده في السير مكانش سامح بوجود مكان للتقل وراه فاكنا مروحين مكتأبين

في اليوم ده هشام سافر بقا هو قدري وصبري وسابونا انا وحبشي واسلام

في اليوم ده انفصلت المجوعتين عشان هشام مش موجود ...وان غاب القط العب يا فار

وهشام القط واحنا الفران

ماشتغلناش في حاجه خاااااااالص لحد مارجع بعد كده بقا انا قلت مش حينفع كده انا لازم اتخذ وققه

احنا كنا مع بعض في قمه التناغم قبل الانفصال

رحت نازل نزوله روشه ورحت قعدت مع ناس كهربائيه ومع عمر ومنصور شويه

ورسوني عالفوله ...بالمناسبه انا ليا واحد صاحبي اسمه عمرو فوله :D

نرجع لمرجوعنا فرحت نازل جايب متور من عند ناس محبطين كده وموقفين المكراكب السايره

ورحت جايب مفتاح تلاته طرف ورحت مروح

اشتغلنا في اليوم اللي بعده كل حاجه لان كان بعده التسليم وظبطنا كل حاجه تقريبا

مكنش ناقص غير الكهربا رحنا نزلنا الساعه 11 عند كهربائي اسمه عم احمد واحد اعصابه تلفانه من الكهربا كده

راجل متكهرب مالاخر ومكنش في غيره عشان يلحملنا السلك في البطريه عشان عنده لحام قصدير

الراجل الدني ابن ال.... اخد 10 جنيه على لحام قصدير حراميييييي

القصد

انا طبعا عارفين اني لا بلت ولا بعجن ولا تكلم كتير ولا بتكلم شويه ولا..............................

اسف صدعتكو بس حبيت اقولكو اني مواطن سعيد

سعيد بصحابي اللي حبيتهم اكتر وكل يوم حبي ليهم بيزيد كل واحد فيهم بيمثلي جزء مفقود من شخصيتي

1. سيطره هشام (على الرغم من طيبته وانه مش بيهمل حاجه خالص عشان يسيطر بس وجوده لازم للنظام فا حاجتنا لهشام زي احتياج الانبوبه للمنظم)
2. تفكير قدري قدري مخطط من الدرجه الاولى الممتازه تنفع مدير اعمال يا ولا
3. اسلام بقا عنده حاجه غير انه دمه خفيف انه بيجيب مالاخر مش بيطول عايز تثبت لزق ويلا انجز ,وقعنا في مشكله تلاقيه يطلع بحل من تحت الارض كده
4. صبري "يا حاسدين الناس ...." ههههه اقول كنت بتغنيها فين؟؟؟ صبري طيبه الدنيا والشخصيه اللي تنفع تبقا اي حاجه في اي وقت هي عيزاه هو نفسه يبقا ممثل وانا شايف انه حيبقا ممثل معجزه في يوم من الايام
5. حبشي ده انا اعجابي بيه اعجاب شخصي اوي كل يوم اعجابي بيه بيزيد انسان مثقف اوي اوي اعصابه هاديه جدا مقنع للي قدامه قد المسؤوليه جدع باختصار انسان مثالي بس يبطل السجاير

انا عايز اقولكم انا بحبكو اوي

hay all

thank you to be my friend

muaaaaaaah

Ms3a_miso