يلا ناخد خطوة للامام

يلا ناخذ خطوة للامام

كل عام وانتم بخير عيد سعيد أعده الله عليكم بالخير واليمن والبركات موضوعنا يا جماعة النهاردة هيكون على كيفية التعامل مع الجنس الاخر

الفقرة العامية:

النهاردة ياجماعة عاوزين نتكلم فى موضوع الصداقة بين الاولاد والبنات الموضوع دا انا عارفة ان فى ناس كتير اتكلمت عليه وللاسف مفيش حاجة بتحصل بس احنا النهاردة عاوزين نرفع شعار يلا نحاول نعمل اقل غلط لو مش هنقدر نوقفه خالص مبدأيا المجتمع الاسلامى يرفض الاختلاط بين الشباب والفتيات ولكن بما ان كل جامعتنا او معظمها فيها اختلاط يبقى لازم نحاول نعمل اقل قدر من الاختلاط بمعنى ان انا مش هكلم زميلى الا فى الشديد القوى عاوزة ورق عاوزة معلومة وهكذا لكن اية ياعم مبترنش لية وفينك ومبتسالش لية كل دا كلام فاضى مفيش داعى منه والله العظيم مكانة البنت عند الولد بترتفع لما يحس انها مش بتتلكك عشان تكلمه وانها مترفعة عن التعامل معاه الا فى وقت الاحتياج فقط هيحس فعلا انها جوهرة ثمينة هيتعود انه ميكلمكيش الا لو انتى اتكلمتى هيخاف يكلمك فى اى حاجة على الفاضى وساعتها هتكونى حطتيى حد للاختلاط ومن هنا نفهم ان الموضوع كله متوقف على البنت _وعن تجربة خاصة فى واحد بيحب يهزر كتير مع اى حد ويضحك وكدا يعنى المهم صدفت الظروف ان يتعامل معايا بصراحة انا مكنتش مصدقة ان الشخص اللى بيضحك وبيهزر دايما هو دا اللى واقف قدامى وبيتعامل معايا باحترام وبيتكلم باحترام معايا لدرجة انى كنت محرجة جدا منه وكنت هموت لامشى من قدامه تفتكروا لية كدا؟؟ هسيب كل واحد يجاوب مع نفسه ولكن ياريت كل واحد يفكر ويحط نفسه فى الموقف دا ويسال نفسه ياترى هيتعامل معايا ازاى؟ باحترام ولا...........؟ ارجوك ياجماعة خلى بالكو اوى من التعامل مع بعضكوا فى حاجة بتضايقنى انا شخصيا واصحابى بتحصل معنا يعنى لما بنجى مثلا ناخد ورق من حد من الاولاد ا او نستلم لوحة او ........للاسف يتحصل حاجة يمكن الولد مبيحسش بيه ان ايده بتلمس ايدنا هو مش بياخد باله فى حين اننا بنتكهرب ياجماعة بالله عليكوا خلى بالكوا متتصورش اد اية الموضوع دا عقابه شديد يوم القيامة لما الولد بيلمس ايد البنت وكانه لمس حجر من جهنم ؟؟؟ ازاى مناخدش بالنا من حاجة زى دى الموضوع مش هين وربنا يرحمنا جميعا اتمنى ان رسالتى تكون وصلت للجميع والله خير معين

الفقرة الدينية:عندما نهى الإسلام عن الاختلاط لم ينه عنه من فراغ، لأن الله - تبارك وتعالى – يعلم، ولذلك قال سبحانه وتعالى لنا جميعًا كمسلمين بل لأصحاب النبي الكريم - عليه الصلاة والسلام - : {وإذا سألتموهنَّ متاعًا فسألوهنَّ من وراء حجاب ذلكم أطهر لقلوبكم وقلوبهنَّ}، هذا الكلام قيل لخيرة الخلق، بأنه لابد أن يكون هناك فاصل بين الرجال والنساء.

فالاختلاط الجائز له شروط

الشرط الأول
أن يخلو من تبرج المراة وكشف مالا يجوز لها كشفه لقوله تعالى ((يَا أَيُّهَا النَّبِيُّ قُل لِّأَزْوَاجِكَ وَبَنَاتِكَ وَنِسَاء الْمُؤْمِنِينَ يُدْنِينَ عَلَيْهِنَّ مِن جَلَابِيبِهِنَّ ذَلِكَ أَدْنَى أَن يُعْرَفْنَ فَلَا يُؤْذَيْنَ))

الشرط الثاني
أن يخلو من النظر إلى مالا يجوز النظر إليه والدليل على هذين الشرطين: قوله تعالى: (قُل لِّلْمُؤْمِنِينَ يَغُضُّوا مِنْ أَبْصَارِهِمْ) وقوله – عز وجل: (وَقُل لِّلْمُؤْمِنَاتِ يَغْضُضْنَ مِنْ أَبْصَارِهِنَّ وَيَحْفَظْنَ فُرُوجَهُنَّ وَلَا يُبْدِينَ زِينَتَهُنَّ إِلَّا مَا ظَهَرَ مِنْهَا وَلْيَضْرِبْنَ بِخُمُرِهِنَّ عَلَى جُيُوبِهِنَّ ))


الشرط الثالث
أن لا تكثرر المرأة في الكلام وتخضع فيه والدليل: قوله تعالى ((فَلَا تَخْضَعْنَ بِالْقَوْلِ فَيَطْمَعَ الَّذِي فِي قَلْبِهِ مَرَضٌ وَقُلْنَ قَوْلًا مَّعْرُوفًا))


الشرط الرابع
أن لا يكون مع خلوة فان كان مع خلوة بأن كان رجل وامرأة في مكان لا يراهما فيه أحد حرم الاختلاط لقوله صلى الله عليه وسلم: (( لا يخلون رجل بأمرأة إلا ومعها ذو محرم )) وقوله: (( لا يخلون أحدكم بامرأة فان الشيطان ثالثهما )).


الشرط الخامس
أن لا تظهر المرأة على حالة تثير الرجال من تعطر واستعمال لأدوات الزينة لقوله صلى الله عليه وسلم (( إذا استعطرت المرأة فمرت بالمجلس كذا وكذا يعني زانية ))


الشرط السادس
أن يخلو من إزالة الحواجز بين الجنسين حتى يتجاوز الأمر حدود الأدب ويدخل في اللهو والعبث كالاختلاط الذي يحدث في حفلات الزفاف


الشرط السابع
أن يخلو من مس أحد الجنسين الآخر دون حائل فلا تجوز المصافحة لقوله صلى الله عليه وسلم (إني لاأصافح النساء )


الشرط الثامن
أن يخلو من تلاصق الأجسام عند الاجتماع عن أبي أسيد الأنصاري - رضى الله عنه انه سمع رسول الله صلى الله عليه وسلم يقول وهو خارج من المسجد، فاختلط الرجال مع النساء في الطريق فقال رسول الله صلى الله عليه وسلم للنساء (( استأ خرن فانه ليس لكن أن تحققن ( تتوسطن )) الطريق عليكن بحافات الطريق

واجبك تجاه نفسك: الالتزم بكل ماسبق ذكره
واجبك تجاه الاخر: اذا راى احد منكم المنكر فلينهى عنه ويدعو الى سبيل ربه بالحكمة والموعظة الحسنة

بكدا بتكون حلقتنا خلصت ياجماعة واتمنى ان تكون رسالتى وصلت للجميع شكرا لحسن المتابعة اركو فى حلقة القادمة عيد سعيد


اللهم أحيني حياة السعداء , و أمتني موت السعداء , و أنزلني منزل السعداء , و ألحقني في النية و الدرجة و العمل بالسعداء , و هبني يقينا لا يمازجه شك , و علما لا يخالطه جهل , و ثقة لا يصاحبها تشوف , و توكلا لا يجامعه التفاف , اللهم عجل بقبول دعوتي و دفع بليتي , فإليك المشتكى , و أنت المستعان . اللهم اجعل في طاعتك فرحي و سروري و في مرضاتك جميع أموري . اللهم يا عالما بحالتي و مطلعا على سرائري و نياتي , اقض جميع حاجاتي و اغفر ذنوبي و سيئاتي و تجاوز عن خطيئتي و زلاتي و تقبل جميع حسناتي و سبحانك ربي رب العزة عما يصفون و سلام على المرسلين و الحمد لله رب العالمين

happyyyyyyyyyyy 3iddddddddddd to u all

Impo.site 4 all Architect.

http://www.arcspace.com/

زي ما انتوا شايفيين يا جامعة مفيش فرق بين الصورة اللي فوق و الصورتان اللي تحت الحمد لله عندنا نفس الكراسي و نفس التربيزات و الشمس بتدخل عندنا كويس و الاضاءة بالليل كويسة جدا................. D: D:

السلام عليكم
ان شاء الله حيكون فيه فطار جماعي في الكلية يوم الأربعاء بعد الديزين و ياريت الناس تيجي والبنات كده تقف و تطبخ و تجيب اكل معاها و الولاد برده يجيبوا اكل معاهم و ياريت اللي يعرف يبلغ الباقي و يا رب ميبقاش زي الفطار اللي كان في رمضان D: D:

يلا ناخد خطوة للامام

اهلا بيكوا ياجماعة فى اول حلقات يلا ناخد خطوة للامام

الفقرة العامية: فى الفقرة دى ياجماعة هتكلم بمنتهى العامية

موضوعنا النهاردة ياجماعة هيكون عن انكر الاصوات صوت الحمير عندنا مشكلة ظهرت حديثا وهى ارتفاع الاصوت دون مبغا او هدف لم نعرف مصدرها حتى الان ولكن عارفين اننا اكيد اخذنها من الحيوانات الى تصدر اصوانها دون حساب او مراقب لكن الحمدلله بما اننا اناس وليس حيوانات يبقى لازم نخلى بالنا يعنى عندنا فى الكلية بصراحة ممكن تعدى على شلة واقفة بتتكلم مع بعضها ومرة واحدة يصدر صوت يخرم طبقات الودن ويطلع من ناحية التانية وتبص تلاقى بنت بتضحك !ولا ولد بيهزر مع صاحبه! ولا حتى اتنين ماشفوش بعض من مدة, اهلاااااا فينك ياعم وحشتنااا!!!!! اااااااه ياودنى رحب بصاحبه وخرملى ودنى ليه يا ابن الحلال لية ضيعت هبتك ووقارك قدام الناس اقل مافيها هيتقال عليك اية الولد الحمار دا_عفوا_ هو اطرش ولا مبيحسش
ياسلام بقى لو كلنا قاعدين فى المدرج وتبص تلاقى بنت راحت مطلعة صوت متعرفش بقى دى ضاحكة ولا صويت ولا هليب ولا اية لية يا بنت الحلال دا انتى بنوتة يعنى ادب احترام اخلاق وقار وكل الصفات المثالية فيكى ازاى؟! لية؟ اعتقد اننا نعرف نتحكم فى جميع انحاء الجسم وانشاطته فيما عدا القلب والجهاز التنفسى لية منتحكمش فى صوتنا وكمان تصور بقى لو دا حصل وكان فى دكتور او معيد قدامك ياااااااه على المنظر رمز احترام ووقار واقف قدامك وحضرتك بتظهر منتهى قلة الاحترام لنفسك وللدكتور او البشمهندس !! انا مش عارفة اقول اية انا بصراحة بتكسف ارفع عينى فى عين دكتور ولا بشمهندس فمابلك اضحك مش اى ضاحكة كمان قدامه واخير ياجماعة اتمنى ان تكون رسالتى وصلت للجميع ياريت كلنا نخلى بالنا من تصرفتنا من صوتنا من ضحكتنا من تعاملنا مع اصحابنا وخصوصا خصوصا _ تاكيد لفظى_ قدام الدكاترة و المنهدسين يعنى بعيد عن مبنى رئيس القسم و شمال شرق الدور التالت_ غرفة المعيدين_ وجنوب غرب الدور التانى_ معمل الحاسب_واعلى المسجد ولكم خالص الشكر والتقدير والسلام عليكو بقى

الفقرة الدينية:

لقمان رجل آتاه الله الحكمة ، كما قال جل شأنه : ( ولقد آتينا لقمان الحكمة ) [ لقمان : 12 ] منها العلم والديانة والإصابة في القول ، وحكمة كثيرة مأثورة كان لقمان عبداً حبشياً نجاراً فقال له مولاه : أذبح لنا هذه الشاة فذبحها ، قال : أخرج أطيب مضغتين فيها ، فأخرج اللسان والقلب ، ثم مكث ما شاء الله ثم قال : أذبح لنا هذه الشاة ، فذبحها ، قال : أخرج أخبث مضغتين فيها ، فأخرج اللسان والقلب ، فقال مولاه : أمرتك أن تخرج أطيب مضغتين فيها فأخرجتهما ، وأمرتك أن تخرج أخبث مضعتين فيها فأخرجتهما . فقال لقمان : إنه ليس شيء أطيب منهما إذا طابا ، ولا أخبث منهما إذا خبثا . ومن وصايا لقمان لابنه
والوصية الخامسة : ( واقصد في مشيك واغضض من صوتك إن أنكر الأصوات لصوت الحمير ) [ لقمان : 19 ] .
( إن أنكر الأصوات لصوت الحمير ) . قال القرطبي : أي أقبحها وأوحشها ، قال : والحمار مثل في الذم البليغ والشتيمة وكذلك نهاقه ، ومن استفحاشهم لذكره مجرداً ؛ فإنهم يكنون عنه ويرغبون عن التصريح فيقولون : الطويل الأذنين ؛ كما يكنى عن الأشياء المستقذرة ، وقد عد في مساوئ الآداب أن يجري ذكر الحمار في مجلس قوم من أولي المروءة ، ومن العرب من لا يركب الحمار استنكافاً وإن بلغت منه الرجل ، وكان صلى الله عليه وسلم يركبه تواضعاً وتذللاً لله تبارك وتعالى، وفي الآية دليل على تعريف قبح رفع الصوت في المخاطرة والملاحاة بقبح أصوات الحمير ن لأنها عالية .
وفي الصحيح عن النبي صلى الله عليه وسلم أنه قال : " وإذا سمعتم نهيق الحمير فتعوذوا بالله من الشيطان ؛ فإنها رأت شيطاناً " . وقد روي أنه ما صاح حمار ولا نبح كلب إلا أن يرى شيطاناً . وقال سفيان الثوري : صياح كل شيئ تسبيح إلا نهيق الحمير . ا هـ . قال ابن كثير : وهذا التشببيه في هذا بالحمير يقتضي تحريمه وذمه غاية الذم لأن رسول الله صلى الله عليه وسلم قال : " ليس لنا مثل السوء "


دورك تجاه نفسك : ان كل فينا يخلى باله كويس اوى هو بيتعامل مع مين وقدام مين وفين
دورك تجاه الاخرين : بلاش ياجماعة نكون سلبيين يلا نكون ايجابين بلاش كلمة وانا مالى مليش دعوة لا ليك دعوة لانك هتتسال عن كل حاجة عملتها يوم القيامة وهتتسال لية منصحتش فلان لما عمل كذا مش انا قولت ادعو الى سبيلى بالحكمة والموعظة الحسنة لية تجاهلته ليه مامرتش بالمعروف ونهيت عن المنكر يعنى لو حصل الموقف دا قدامك تنبه صاحبه باسلوب فيه حكمة وعظه
كما قال تعالى: {ادْعُ إِلَى سَبِيلِ رَبِّكَ بِالْحِكْمَةِ وَالْمَوْعِظَةِ الْحَسَنَةِ وَجَادِلْهُمْ بِالَّتِي هِيَ أَحْسَنُ} (النحل: 125)

انتهيت حلقتنا احب اوجه شكر خاص لفريق العمل وشكرا لحسن المتابعة اراكم السبت القدام باذن الله

اللهم يا رب إني غارق في نعمتك , غارق في ذنوبي فأشكرك على نعمتك , و أستغفرك لما أذنبت . اللهم احفظني في ديني أن أفتن فيه و احفظني في اعتقادي أن أفتن فيه و احفظني في قلبي أن أفتن فيه , و اكسني حلة تباهي بها الملائكة المقربين . اللهم اجعلني في الحصن الحصين من جميع الشياطين اللهم إني ضعيف فقو في رضاك ضعفي و خذ إلى الخير بناصيتي و اجعل الإسلام منتهى رضاي ..
سبحانك ربي رب العزة عما يصفون و سلام على المرسلين و الحمد لله رب العالمين..