TO DO !!

السلام عليكم باشمهندس شريف اتفق معانا انهردة ان احنا لمدة اسبوع كل واحد فينا يكتب كل يوم الصبح هو عاوز يعمل ايه في يومه و لما تخلص كل حاجة تجرى بسرعة و تعلم عليها صح فى اخر اليوم حتحس انك أنجزت و عملت شىء مفيد فى حياتك و على اخر الأسبوع جمع ال7 ورقات حتلاقى ان كلهم متعلم عليهم صح حيجيلك احساس بالتفاؤل و الفرحة و الأمل و حتتشجع على الشغل.
مقولة:لا تهتم بصغائر الأمور ,فكل الأمور صغائر.
مقولة:عرفت الشر لا للشر و لكن كى لا أقع فيه, و من لا يعرف الشر أحرى أن يقع فيه.
اتفقنا كمان ان احنا حنبطل الكلام اللى بيجيب فشل و احباط و قلق و توتر زى أنا بطيئ,مفيش وقت,مش عارف أفكر,مفيش فايدة,حسقط, زهقت.......و حنستبدلهم ب حنعرف و حنقدر و حنخلص و حننجح و حنتفوق و حنوصل ....بإذن الله.
الباشمهندس اقترح كمان ان كل يوم تكلم حد وحشك فى التليفون و حد من أقاربك و اللى يعمل اللى احنا اتفقنا عليه دة يكتب على البلوج عشان نشجع بعض.
كل واحد يشوف نيته ايه و هو بيعمل أى حاجة عشان نأخذ ثواب و يكون الأجر مضاعف.
خليكو ناس جامدة عندكو صبر و إصرار و عزيمة فى الحياة و توكل على الله عشان نبقى ناس ناجحين, الكلية دى بداية الطريق مش نهايته.
إن شاء الله حنتحدى كل الصعاب اللى حتقابلنا , مفيش اى حاجة حتعطلنا عن تحقيق اهدافنا و حنبص على طول لفووووق و حنوصل للنجاح ,بل للتفوق بإذن الله ..........حنوصل...........يعنى حنوصل.....يلا عاوزة ألاقى تعليقات منكم كثييييييرة اوى ربنا يوفقنا كلنا و يجمعنا دايماً على خير..